Skip in Suezkanaal dryf weer

Die vragskip Ever Given is vandag weer drywend gemaak nadat dit byna ’n week die Suezkanaal in Egipte versper het.Die skip is omstreeks 04:30, plaaslike tyd, suksesvol vaarbaar gemaak en word beveilig, sê Inchcape, wêreldwye verskaffer van mariene dienste, op Twitter.Die jongste verwikkeling het opnuut hoop gebring dat dié belangrike waterweg binnekort weer oopgestel gaan word.VesselFinder, ’n aanlyn diens wat skepe se bewegings naspoor, het die skip se status op hul webwerf na “op pad” verander.Dié 400 m lange Ever Given het vroeg verlede Dinsdag te midde van sterk wind skuins oor die suidelike deel van die kanaal vasgesteek. Gevolglik het die skeepsverkeer oor die kortste vragroete tussen Europa en Asië tot stilstand geknars.Minstens 369 vaartuie wag intussen om deur die kanaal te vaar, waaronder tientalle vragskepe, grootmaatskepe, olietenkers en vaartuie met vloeibare natuurlike gas (LNG) of vloeibare petroleumgas (LPG), het Osama Rabie, voorsitter van die Suezkanaal-owerheid, gister aan Egipte se Extra News gesê.Egipte se Leth-skeepsagentskap sê in ’n twiet die skip is gedeeltelik drywend gemaak. Hulle wag egter nog vir amptelike bevestiging van die Suezkanaal-owerhede.Die Suezkanaal-owerheid het vroeër in ’n verklaring gesê sleepbote het bedrywighede hervat om die skip los te kry.Die Suezkanaal se reddingspanne het hul uitgrawingswerk gister verskerp en gehoop dat die hooggety hulle sou help om die skip drywend te maak.Ruoliepryse het gedaal ná die nuus dat die skip weer drywend is, met Brent-ruolie wat met US$1 per vat laer is tot US$63,67.Bernhard Schulte Shipmanagement (BSM), tegniese bestuursmaatskappy van die skip, het nie onmiddellik op ’n versoek om kommentaar gereageer nie. – Netwerk24/ReutersFoto Reuters

Skip in Suezkanaal dryf weer

Kommentaar

Republikein 2025-04-07

Meld asseblief aan om kommentaar te lewer

Skip in Suezkanaal dryf weer

Kommentaar

Republikein 2025-04-07

Meld asseblief aan om kommentaar te lewer

MELD AAN

Advertensie