Skole: ouers aangemoedig om steeds finansiële bydrae te maak

Ouers word steeds aangemoedig om vrywillige finansiële bydraes tot skole te maak om te help met die onderhoud, instandhouding en verbetering van infrastruktuur en ander geriewe by skole. Geen skool mag egter enige ouer dwing om enige finansiële bydrae tot die toelating van leerlinge te maak nie. Volgens die ministerie van onderwys, kuns en kultuur neem dié voorreg nie die morele verpligting van ouers en voogde vir die onderrig van hul kinders oor nie.
Die ministerie het verwys na die afskaffing van verpligte finansiële bydraes tot skole se ontwikkelingsfonds by beide primêre en sekondêre skole met die instelling van die Universele Primêre Onderrigtoelaag (UPEG) in 2013 en die Universele Sekondêre Onderrigtoelaag (USEG) in 2016. Met die stygende koste van onderrig moedig die ministerie in 'n verklaring ouers "sterk aan" om skole op welke manier ook al moontlik te ondersteun om aan die onderrigbehoeftes van leerlinge te voldoen. Die ministerie maan egter dit moet nie gesien word dat dit sou beteken ouers is op enige manier verplig om dit te doen nie. Enige fondsinsamelings by skole is ook vrywillig en nie verpligtend nie en moet as sulks slegs in konsultasie met ouers, voogde, skoolrade en die skoolgemeenskap ingestel word.