Skrywer van Bird Island-boek dood gevind

Mark Minnie, oudspeurder wat die boek, Die seuns van Bird Island, help skryf het, se lyk is Dinsdag aan die buitewyke van Port Elizabeth gevind.Die polisie vermoed geen misdaad nie en het met ’n geregtelike doodsondersoek begin.Minnie het volgens ’n polisiebron Maandagoggend na ’n vriend se kleinhoewe gegaan en gesê hy wil wegkom van almal en alles. Die vriend is later weg en met sy terugkeer was Minnie nie in sy kamer nie. Hy het hom gaan soek en op die kleinhoewe dood aangetref. Daar was 'n vuurwapen langs hom. Die boek het opspraak gewek omdat dit gewese apartheidsministers in ’n pedofielnetwerk geïmpliseer het. Minnie ‘glad nie bang of gespanne’Mark Minnie het “glad nie” geklink soos iemand wat sy eie lewe wou neem nie, sê die ondersoekende joernalis Marianne Thamm.Thamm het die voorwoord geskryf vir Minnie en Chris Steyn se boek, Die seuns van Bird Island.Sy het verlede week met Minnie gepraat en sê hy het glad nie negatief geklink of gesê die kritiek op die boek plaas hom onder druk nie.“Hy was baie opgewonde oor die boek – dit was sy lewenstaak. Hy was nie bang of gespanne oor enigiets nie. En hy was verskriklik lief vir sy kinders.”In hul laaste gesprek het Minnie haar gevra watter media, met wie hy baie oor die boek moes praat, kan vertrou word.“Hy het die gewigtigheid verstaan van dit waarmee hy besig was.”Thamm sê sy is verpletter deur die nuus van sy dood en sy sal altyd onthou hoe hy gehuil het toe die storie uiteindelik op die lappe gekom het.“Hy het gesê hoe aaklig dit was om vir so lank met die inligting rond te loop en hoe bekommerd hy was oor die uitwerking wat die boek dalk op sy kinders kan hê.“’n Mens wil nie bespiegel nie en ek sal wag vir die polisie se ondersoek. Maar as ’n mens kyk na die konteks van sy dood, is daar definitief ’n paar vrae wat gevra moet word.”Seun se byna profetiese woordeDie seun van die oudspeurder Mark Minnie het op 5 Augustus op Facebook sy bewondering vir die moed wat sy pa gehad het om die boek te skryf, uitgespreek met hierdie byna profetiese woorde: “. . . knowing my father was about to dive into something that could kill him”.Markus Mordiac, Minnie se oudste kind, se volledige inskrywing (vertaal) lui: “Toe my pa hierdie boek voltooi het, het hy vir my ’n kopie gestuur. Ek het deur die eerste twee hoofstukke gekom en toe gestop. Trane en ’n swaar hart, wetende dat my pa op pad was om homself in iets te begewe wat hom kon doodmaak. “Ons het altyd ons verskillende menings gehad en ’n teenoorgestelde uitkyk op die lewe. Ek het nooit verstaan waarom hy so kwaad was, dog so beskermend teenoor my, tewyl ek grootgeword het nie. “Hierdie storie het regtig my perspektief verander. Ek is bly jy het die moed gehad om hierdie uiteindelik uit die donkerte te bring. My gebede gaan uit aan al die slagoffers en ek hoop geregtigheid sal eendag geskied aan diegene wat verkeerd gedoen het. “Lief vir jou pa, hou jou kop hoog! Jy verdien dit!” – Netwerk24

Skrywer van Bird Island-boek dood gevind

Kommentaar

Republikein 2025-04-10

Meld asseblief aan om kommentaar te lewer

Skrywer van Bird Island-boek dood gevind

Kommentaar

Republikein 2025-04-10

Meld asseblief aan om kommentaar te lewer

MELD AAN

Advertensie