SMN: Hou op kla en doen iets
Ons is darem 'n land vol mense wat daarvan hou om oor alles en aanhoudend te kla en te kerm en so min as moontlik te doen.
Ek praat nou van die mense wat daarvan hou om hulle menings en klaagliedere veral op sosiale media besing.
Daar was baie min mense wat gedink het die verlenging van die hoktydperk was 'n goeie idee.
Moet my nie verkeerd verstaan nie. Talle klein besighede is op hul knieë, en hulle weet nie hoe en of hulle hierdeur gaan kom nie.
Net soos die toerismebedryf. Ek verstaan dat die ekonomie erg geraak word.
Ek praat van die mense wat nou oortuig is dat misdaad sal toeneem.
As jy so bekommerd is oor die misdaadsyfer wat gaan styg en oor jy moontlik vermoor kan word, doen iets daaraan.
Hoeveel van julle het 'n huishulp wat nou al weke lank geen inkomste het nie.
E-wallet vir haar 'n paar dollar. Jy sit in jou huis met krag en lopende water en kla oor hoktyd.
Sy sit in 'n eenvertreksinkhuis sonder krag of water. Met kinders wat vra wanneer en wat hulle gaan eet.
Wat van 'n bietjie menslikheid in die donker, moeilike tyd? Maak 'n paar dollars regtig vir jou so veel armer al kom sy nie werk toe nie?
Ek dink ons almal kan 'n paar dollars afstaan en die lewe vir 'n medemens 'n bietjie makliker maak.
Sy werk al hoe lank vir jou en nou wanneer die nood haar druk, waar sy wil werk maar nie mag nie, kan jy nie help nie?
En moenie redeneer as sy dan so sukkel, kan sy vra. Jy weet sy word nie betaal nie, doen iets daaraan en nie omdat sy vra nie. Mense het
ook hul trots, maar help omdat jy kan en wil.
As jy nie 'n huishulp het nie, kan jy 'n paar ekstra items koop en dit vir iemand gee wat dit nodig het. Dit vir iemand gee wat wil werk, maar nie kan nie.
Maak 'n sak vol kos en bel 'n welsynsorganisasie en gee dit vir hulle. Hulle kan dit vir mense gee wat swaarkry. Maak 'n plan. Ek belowe jou om iets kleins soos inkopies vir iemand te gee, sal jou goed laat voel.
Nou moet ek ook byvoeg vir almal wat hieroor gaan kla en iets te sê het, my suster is in die toerismebedryf. Sy kry vir die volgende drie maande net die helfte van haar salaris, waarná dit hersien sal word. Ons deel 'n huis en dinge sal vir ons ook moeilik raak. Ons sal steeds ons huishulp haar geld betaal en kos vir ander gee.
Ons gaan wel minder vir onsself hê, maar ons het steeds meer as sommige mense.
Ek praat nou van die mense wat daarvan hou om hulle menings en klaagliedere veral op sosiale media besing.
Daar was baie min mense wat gedink het die verlenging van die hoktydperk was 'n goeie idee.
Moet my nie verkeerd verstaan nie. Talle klein besighede is op hul knieë, en hulle weet nie hoe en of hulle hierdeur gaan kom nie.
Net soos die toerismebedryf. Ek verstaan dat die ekonomie erg geraak word.
Ek praat van die mense wat nou oortuig is dat misdaad sal toeneem.
As jy so bekommerd is oor die misdaadsyfer wat gaan styg en oor jy moontlik vermoor kan word, doen iets daaraan.
Hoeveel van julle het 'n huishulp wat nou al weke lank geen inkomste het nie.
E-wallet vir haar 'n paar dollar. Jy sit in jou huis met krag en lopende water en kla oor hoktyd.
Sy sit in 'n eenvertreksinkhuis sonder krag of water. Met kinders wat vra wanneer en wat hulle gaan eet.
Wat van 'n bietjie menslikheid in die donker, moeilike tyd? Maak 'n paar dollars regtig vir jou so veel armer al kom sy nie werk toe nie?
Ek dink ons almal kan 'n paar dollars afstaan en die lewe vir 'n medemens 'n bietjie makliker maak.
Sy werk al hoe lank vir jou en nou wanneer die nood haar druk, waar sy wil werk maar nie mag nie, kan jy nie help nie?
En moenie redeneer as sy dan so sukkel, kan sy vra. Jy weet sy word nie betaal nie, doen iets daaraan en nie omdat sy vra nie. Mense het
ook hul trots, maar help omdat jy kan en wil.
As jy nie 'n huishulp het nie, kan jy 'n paar ekstra items koop en dit vir iemand gee wat dit nodig het. Dit vir iemand gee wat wil werk, maar nie kan nie.
Maak 'n sak vol kos en bel 'n welsynsorganisasie en gee dit vir hulle. Hulle kan dit vir mense gee wat swaarkry. Maak 'n plan. Ek belowe jou om iets kleins soos inkopies vir iemand te gee, sal jou goed laat voel.
Nou moet ek ook byvoeg vir almal wat hieroor gaan kla en iets te sê het, my suster is in die toerismebedryf. Sy kry vir die volgende drie maande net die helfte van haar salaris, waarná dit hersien sal word. Ons deel 'n huis en dinge sal vir ons ook moeilik raak. Ons sal steeds ons huishulp haar geld betaal en kos vir ander gee.
Ons gaan wel minder vir onsself hê, maar ons het steeds meer as sommige mense.
Kommentaar
Republikein
Geen kommentaar is op hierdie artikel gelaat nie