SMS'e vir 3 September 2020

Ek lees die Republikein van 1 September 2020, "Covid-19 verskeur gesin". Hoe traumaties moet dit wees dat hulle ma en suster aan die dood moet afstaan. Dit is om vrae te vra, te rou en te kla by God. My meegevoel aan hierdie huisgesin. Julle is in ons gebede en almal oral oor Namibië waar Covid ingetree het met die dood. Wat my verstom, is die ongevoeligheid van die polisie. Sirenes? Dit gaan my verstand te bowe. Mense wegjaag! Ek sou orde op ’n beter wyse gehandhaaf het en toegesien het dat almal die begrafnis bywoon. Ons is die soil of Namibië, treat us with dignity. Thank you.

Dis pateties hoe hierdie land agteruit gaan! Die polisie se werk is om na die land se mense om te sien, maar nee, nou rand jy iemand aan wat voor jou indraai. Hou eerder die kriminele in die nag van die strate af, wat onskuldige mense aanrand, maar nee die wat die minste beteken staan voor in die ry vir pay van die belastingbetaler. Skande en niks word daaraan gedoen nie.

The government is really milking the public with the ridiculous high fuel price. Time for them to be replaced.

Vandag se lesersfoto’s van land en see, sowel as die voorbladfoto’s van Hope, die baba-olifantjie is indrukwekkend. Dankie! Inderdaad het Republikein die beste foto’s van al die koerante!