SMS'e vir 30 Maart 2017

Op 'n stadium was die Psemas-fonds net so sterk soos die GIPF. Myns insiens was die regering daarvan bewus dat Psemas uiteindelik sou moes swig voor die druk van uitgebreide families. As slegs twee mense in 'n familie van meer as 10 mense 'n bydrae maak tot die fonds sal die fonds uiteindelik uitgeput raak. Myns insiens het die Psemas-fonds jare lank steun aan die regering verleen as 'n breë siekefonds vir baie mense, maar net soos wat Psemas nou uitgeput is, sal die GIPF ook kort voor lank leeg wees. My liewe mens wat sê hoe lank het dit die nooddienste gevat om die man onder die bus uit te kry, ek wens jy was self daar, dan sal jy gesien het hoekom dit so moeilik was om hom onder die bus uit te kry. Hou op kritiseer as jy nie self op die toneel was nie. Begin eerstehandse kennis opdoen oor wat op 'n ongelukstoneel aangaan voordat jy jou mond uitspoel oor hulle dienste wat in elk geval soms gratis aangebied word. Sluit eerder aan en red mense. Dan bring jy mos jou kant. Terwyl die ondersoek by Psemas nog aan die gang is, kan die relevante werknemers van Psemas en ministerie van finansies ook ondersoek word? Ek vermoed meer rolspelers is betrokke by die prosessering van eise en die dreinering van die mediese fonds. Veral diegene wat so Jeeps en Audi Q7's ry. Donkieslagpale: en wie gaan toesien dat net donkies daar geslag word? Ons het 'n program gesien hoe Chinese honde doodslaan vir hul velle om jasse te maak en lewendige slange vol water tap om die vel te rek voordat die slang (nog lewend) afgeslag word. Sodoende kry hulle meer vel per slang vir handsakke, skoene en gordels. Nog 'n program het vertel van die beskermde diere wat in Rusland uitgeroei is deur die Chinese. Watter soort mens by sy volle verstand gee toestemming vir so iets om hier te begin? Daar is duisende winsgewende, etiese besighede wat eerder aandag kan kry.As 'n inwoner van Greenwell Matongo wil ek uitvind wanneer kry ons die energiebesparingsgloeilampe. Net sekere mense het gekry.Estelle de Bruyn, jy slaan die spyker op sy kop. Ry maar deur ons mooi land en hoeveel regeringskantore en geboue sien mens wat agteruitgaan, maar nee, daar word net nuwes gebou. Calle kan gerus die volgende vyf jaar net regeringsgeboue, en dit sluit huise in, regmaak en herstel. En gaan miljoene dollars spaar. Die "advance" van 9 000 wat gepraat word: Eerbare Van Neel en spesiale adviseur Dax is van die mense wat eis en nooit gegaan het vir die onafhanklikheidsvieringe nie. Wambo, jy het niks verkeerd gedoen. Ek volg die Namibië sosiale sokkerliga, wat baie opwindend is, maar was baie teleurgesteld oor die manier wat skeidsregters die afgelope naweek wedstryde by die kus hanteer het. Dit was 'n skande om te sien hoe hulle eensydig blaas. Glo nie enige span staan 'n kans om hier te kom wen nie. Asb. menere, kry jul huis in orde. Het gedink die liga gaan NFA wys hoe, maar weet nou nie meer. Blameer ons nog altyd vir President Geingob vir sulke gemors soos wat sogenaamde korrupte leiers in die Hardap aanvang? Geen wonder daar is geen ontwikkeling in die Hardapstreek met sulke tipe leiers. Ry net rond vir S&T en drink, maar as hulle terugkom, geen positiewe terugvoering. Waarvoor het hulle sulke duur Mercedes Benz'e gekoop. The concept of having car guards is good. However should the shop owners not be responsible for paying them? It should be in their interest to supply a secure environment for their customers. You want us to come shopping at your business, then it just makes sense that you secure your premises for your customer. Basterland vat my hand en lei my deur die Rugbyland. Eto, die Bastermanne was van Namibië se talentvolle rugbyspelers. Wat van een Rehoboth-span in die topliga van Namibië met die naam Rehoboth? Dan sal ons die eenheid, borgskappe, trots en diepte het en Bastermanne het wat wil rugby speel, want dit word gedoen in een taal, een familie-"spirit" met vele manne wat 'n bydrae wil maak. Bastermanne, dink daaroor. Khanna loop leeg van rugbyspelers. Asb. "Serious". Ek het simpatie met Sidney Skakana. Ek huur ook grond in die Suide en het nou besluit om alles maar te verkoop en my droom op te gee, want na vele aansoeke sedert 2013 het ek tot die besluit gekom dat ek nooit swart genoeg sal wees om te kwalifiseer as 'n erkende Namibiër nie. Die hartseer saak is dat jy nie eens weet of ingelig word hoekom jy afgekeur is nie. En ons president sê niemand moet uitgesluit word nie. WHS se Hennie De Waal-fees het my hare laat rys. Uitsonderings: o/19 Windhoek Gymnasium se vleuels, WHS se losskakel en agsteman, WAP se losskakel en WHS se tweedespan senter 12 en toe later 23 is soos 'n tier op verdediging. Senior rugbymanne kan daar leer hoe word verdedig. My toekomstige NAM-spelers. Leeus byt nie sommer net so 23 bokke in 'n kraal dood en spring dan weer uit nie. Daar is 'n ander slang in die gras. Miskien mense wat geld soek? Leeus is nie soos mense wat vir plesier en geld jag/doodmaak nie. Net as hul honger is en dan vreet hul dit op. In 'n berig in die Namibian laasweek merk die president op “we want to allow blacks to come into the mainstream of the economy”. As voorkeur gegee word aan 'n sekere velkleur deur die president, hoe sal ander toegelaat word in die Namibiese Huis as die leier self die deur vir anderskleuriges toesluit? Verander die tyd nou of nie? Tydsverandering kan gerus oor 'n korter tydperk strek. Dalk vanaf einde Mei tot en met einde Augustus. Dis dalk 'n beter opsie waaruit meer mense kan voordeel trek.

SMS'e vir 30 Maart 2017

Kommentaar

Republikein 2024-11-27

Meld asseblief aan om kommentaar te lewer

SMS'e vir 30 Maart 2017

Kommentaar

Republikein 2024-11-27

Meld asseblief aan om kommentaar te lewer

MELD AAN

Advertensie