SMS'e vir 5 Januarie 2022

Ons vertrou regtig dat die reën asseblief sal kom, die hitte maak ’n mens klaar en van die plaasboere smag ook al na reën.

Hoekom praat niemand niks oor Gustavo wat soos ’n groot speld verdwyn het nie. Ek hoop die magistrate sien en gee niemand van Fishrot weer bail nie, of hou die magistrate verantwoordelik.

“Ek haat God.” Die ateistiese filosoof Nietzche het presies dieselfde woorde gesê en ’n jaar daarna het hy totaal mal geword.

Hentiesbaai was vanjaar stiller oor die feestyd. . . en dankie tog! Dit is lekker om bietjie weg te kom van al die mense en bedrywighede. Veral vir ons Windhoekers.

Ek kry regtig verlede jaar se matriekleerlinge jammer wat nie vanjaar in Suid-Afrika of elders in die buiteland gaan kan studeer nie. Diegene wat wel gaan, moet sommiges tot 21 Januarie wag om hul finale uitslae te ontvang en dan moet hul nog finale keuring kry voor hul op 2 Februarie in hul koshuise en woonstelle moet intrek. Tweedejaars en op het darem nog lekker vakansie tot amper einde Februarie.

Ek sien op Facebook die petrol daal in SA, maar ons in Namibië kan seker maar daarvan vergeet. Ons betaal mos reeds nog minder as hulle.

Polisie aanklagtes, waar sal ons rapporteer om hulp te kry. Verplaas almal general, Gochas POL wat net dronk bly, soek wat wil werk. Gaan werk wanneer hulle wil, ons is moeg vir hulle!

Ek wens dat ieder en elke gebruiker op sosiale media eers sy verstand inskakel voordat hy of sy ’n kommentaar iewers los. As jy nie die agtergrond het nie, nie in iemand se skoene is nie of nie reg ingelig is nie, hou jou hande weg van die sleutelbord. Moeg vir dom mense!