SMS'e vir 6 November 2018

Hage kap Duitse hoë oor Chinese in die land ens. Ek dink nie hy besef hoe 'n groot invloed Duitsland sedert dag een in SWA/Namibië gehad het nie. As ek Merkel was, het ek alle hulp gestaak. Heil Chinibia met 'n spoorlyn na Katima Mulilo en 'n geplunderde visveld as gevolg van bosoorlogpasellas. - Johan



Ek haal my hoed af vir die inwoners van Tses! Mooi so. Kom ons staan saam en wys vir hulle (Swapo) dat ons moeg is vir hulle korrupte besluite! Genoeg is genoeg! Ons gaan hulle seer maak op stemdag. - Mej. Kooper, inwoner van Tses



Ek is baie teleurgesteld in Katrina Hanse. Hoe kan sy sê sy verstaan nie hoekom mense wat nie Swapo ondersteun nie huise in Namibië kry nie. Wat 'n skande! Weet, dit is onse "struggle". Sy is kastige minister! - S Kooper, Tses



Julle kan petisies opstel, soveel soos julle wil en dit was al van te vore ook gedoen, maar Namibië gaan en sal nie die doodstraf weer terugbring nie en so word daar elke week vrouens en kinders vermoor. Dit word al hoe erger, want die misdadiger het regte en hy word beskerm en kom uit op bortog, om maar weer te moor. Gaan kyk hoe laag is Botswana se misdaadsyfer, want hul het nog die doodstraf. Hier sal drasties en ernstig aan al die misdaad aandag gegee moet word.



So Swapo “spoiled brats” het nou kamma gradueer by berg Aukas. Lyk nogal oulik in hul togas en plat kepse. Ja nee wat! 'n Visgraat bly maar 'n visgraat. - Genocide veteran



“Geingob warns MPs”. Mr. Geingob. If the MPs can't speak their mind, this country is a dictatorship and not a democracy. Thank God there are some who open their mouths against the wrongs and corruption going on. Please listen to them!



Suid-Afrika gaan nou te velde trek teen misdadigers. Misdadigers is nie 'n spesiale spesie wat op 'n spesifieke plek bly en uitkenbaar is nie. Nee, dit is ek en jy, ons ouers, broers, neefs, susters, ooms, tantes en skoonfamilie. Die hele spul. Jy kan nie terugtree en dit bekyk nie, want dit tree terug saam met jou. Die kriminele element is 'n deel van ons DNA. Leef daarmee saam! - SAP&H



Die volksmoordeis: Wie gaan die geld kry? Rukoro en kie? Om wat mee te maak? My ouma Keet se eerste man is op die plaas Tsais, nou Zebrapark, deur Namas vermoor. Oupa Keet is deur Herero's verinneweer en hulle wou hom in die brandende plaaswinkel gooi. Ons nageslag wil dan teen hulle eis. Hoofman Samuel het oupa Keet gered. - Johan



Bondelswarts: Die verdeeldheid in die stam word veroorsaak deur eie kinders en grootmense wat die kinders ondersteun as gevolg van magshonger en geldhonger en so bewerkstellig hulle die armoede en ondergang van hul eie pa's, ma's, broers, susters, oupas, oumas en hulself. Wie 'n leier wil wees, moet almal se dienaar word. Dus, gaan sit terug. lees die woord van God en leef daarvolgens en bekeer en glo die evangelie.



Jy sal nooit meer tyd het as nou. Jou kans in die lewe is nou. Jou goed doen is nou. Jou haat is nou. Jou passie is nou. Jou gister is geskiedenis, jou môre onbekend, maar jou vandag is nou! “Make it or break it before someone came and take it”. - SAP&H



Weet u 'n dokter is 'n persoon wat vir 'n "Phd" in medies studeer het. 'n Doktor is 'n persoon wat "Phd" in 'n ander geleerdheid studeer het. 'n Dokta' is 'n persoon wat net self weet?



Het nou net Oiva Angula se boek Swapo Captive klaar gelees. Wat 'n riller van verraad wat Swapo en CCN tydens die bevryding teen onskuldige, eie landsgenote gepleeg het. Swapo deur gewelddadige marteling, moord en verdwynings en CCN en Wêreldraad van Kerke deur te swyg, onskuldige mense te verraai en Swapo te steun in al hul mishandeling van onskuldige Namibiërs. Geen wonder die kerke loop leeg, andere het ander kerke ge-"join". Predikers swyg vandag oor die morele stand en agteruitgaan van ons land. Seker bang die “war veteran pay” en "resettlement" plase word afgevat. - Ekke



Dit is een groot ongevoeligheid om onderwysers vir bykans ses maande nie salarisse te betaal nie, maar "plain" onbeskoftheid om nie kontak met hulle te maak en om verskoning te vra nie. Ek blameer egter die sogenaamde skoolhoof en skoolouers wat tot dusver nie 'n vinger verroer het om iets aan die situasie by dié privaat skool te doen nie. Julle noem julle Christene, maar pasop, God slaap nie!



Radio Hartklop. Net om te help. Die Afrikaanse woord vir "innovation" is innovering en nie innovasie nie.



Mense, my vriendin op Rehoboth het weer oor die naweek geld gestuur vir die Facebook-man, die bedrag is nou al meer as N$600 000. Gee tog raad asseblief, dit raak nou regtig kritiek. Van 'n regtig baie, baie bekommerde vriendin.



Wonder hoekom spreek en gebruik baie Afrikaanse aanbieders van Hartklop FM by die NBC die woord “herhinder” verkeerdelik as “herinder” en dan nog met die klem op die “i” ook? - Jochem van Antwerpen



Hoekom herdenk die Christene die dood van Jesus terwyl hulle weet dat Christus lewendig is? Jesus is lewendig, hoekom verklaar julle Jesus as dood? Nou is dit tyd om te voldoen wat Jesus gesê het. Hoekom nog preek? Jou oplossing is die wet van Moses, nie demokrasie nie. Amen!



The following Namibian passports are at the police mobile ­station opposite Metro Hyper, Kleine Kuppe: Panduleni Astrid Hauwange P0519227, Carmen Romana ­Goncalves P0792117. Kauraere Harold Katjatako P0764218. Please come and collect your passport. Thank you.