SMS'e vir 8 Desember 2021

Dit was ’n goeie idee om die kameras op te sit op die Usakos-Swakop-roete, maar ons vra asseblief dat die verkeerspersoneel daar sal patrolleer. Die verkeer is so baie en ons kom nie verby trokke wat drie, vier of vyf agtermekaar en inmekaar se agterkante ry, dat niemand kan verby kom. Hul hou die verkeer op. Die Zambiese trokke maak ons mal en kom nie weg. As jy verby gaan, sal jy vêr oor jou spoed gaan en is jy in die moelikheid.

Ek sien die rente op waterskuld van Walvisbaai gaan afgeskryf word. Mense kry amnestie links en regs veral verkiesingstyd, maar geen beloning vir pensioenarisse wat elke maand hul water en krag betaal nie. Gee net ’n bietjie verligting vir ons vir goedkoper krag. Dis tog nie ’n luukse maar ’n noodsaaklikheid. Ministers betaal nie eens daarvoor nie. Moedeloos.

Only Covid vaccinated people are allowed to travel from country to country. The new virus is also traveling around the world. So who is spreading it? The vaccinated or unvaccinated people? [Inenting verhoed nie dat mense Covid-19 opdoen nie. Dit verminder bloot jou kans om ernstig siek te raak, gehospitaliseer te word of te sterf. - Redakteur]

Aan die ministerie van onderwys. Kan mevrou Sanet Steenkamp baie dringend asseblief volgende jaar vir Cimbebasia Primêre Skool meer mansonderwysers aanstel as dames, want by die skool is daar omtrent 17 dames as onderwyseresse en net twee of drie mansonderwysers. Die skool is volgende jaar 8 jaar oud en lyk nog steeds soos toe die skool begin het. Ons sal dit baie waardeer, groot asseblief.