Snyfonteiners: 'Ons is mislei'
Elizabeth Joseph op Keetmanshoop
Inwoners van die Snyfontein-nedersetting, wat sowat 35 km buite Keetmanshoop geleë is, het hul harte uitgepraat ná die onlangse reën in die Suide wat daartoe gelei het dat die Neckartaldam oorgeloop het.
Die water kan sowat 1 km verder gesien word van waar die mense stroomop van die dam woon en dit wek groot kommer.
Volgens 'n verklaring deur die ministerie van landbou, water en grondhervorming hou die dam geen gevaar vir mense wat stroomop woon in nie. Snyfontein se inwoners voel daar is rede tot kommer, want die water kom glo té naby aan hulle.
Volgens 'n raadslid van die /Hai-/Khaua-tradisionele owerheid, mnr. Cedric Thomas, voel die gemeenskap dat die regering hulle mislei en ignoreer.
“Hulle het ons mislei. Daar is so baie van ons vrae aan die goewerneur se kantoor, asook die ministerie en ander sleutelbelangegroepe wat onbeantwoord bly,” het Thomas gesê.
Hy het verder gesê terwyl sekere beloftes aan die gemeenskap gemaak is, het daar niks van verdere pogings gekom om dit te bespreek nie.
DADELS VAN GEKOM
Die 63-jarige mnr. Elias Bobeje sê al wat vir hom oorgebly het, is verwarring en kommer.
“Om te sien hoe die water al hoe nader aan ons huise beweeg, veroorsaak dat baie inwoners vrae vra en eerlike antwoorde soek. Wat sal van ons oor wees as die water ons huise binnedring?” Bobeje sê alhoewel dit hartseer sal wees om 'n plek te verlaat waar hy reeds 40 jaar lank woon, sal dit nog hartseerder wees as hy sy besittings verloor.
“Ek sal baie dankbaar wees as die owerhede my na 'n veiliger plek hier op Snyfontein kan verskuif, want ek is verantwoordelik vir my 8-jarige kleinkind wat in skooltye by my woon.”
Bobeje was veronderstel om in 'n tent te woon wat onlangs deur die Namibiese weermag beskikbaar gestel is, maar hy sê die lewensomstandighede is ongunstig en die tent is onlangs deur die wind omgewaai – iets wat hy vrees dikwels sal gebeur.
“Tans is daar nóg 'n tent, nóg water op die plek waarheen ek veronderstel is om verskuif. Dit maak my bekommerd.”
GROTER VERLIESE
Die gemeenskap met sowat 1 200 inwoners sê hul grootste vrees is om 'n deel van hul voorvaderlike grond en -waardes te verloor.
'n Gemeenskapsaktivis, mnr. Jonathan Thomas, sê versoeke om grafte te verskuif, is ook geïgnoreer. Die begraafplaas is tans in die middel van die Kameelrivier wat gedeeltelik opgedroog het.
“Dit sal goed wees as ons nie in enige gevaar is nie. Laat ons egter eers wag en sien wat gebeur as die Kameelrivier, asook die Snyfontein, in volle vloed is. Niemand wil van hul voorvaderlike grond padgee nie – al behels dit ook dat hulle finansieel vergoed word.”
GOEWERNEURSKANTOOR
Mnr. Russel Titus, beherende administratiewe beampte in die ||Kharasstreek se goewerneurskantoor, sê die hervestigingsproses duur steeds voort.
“Ons het 'n taakmag hiervoor gestig wat uit die streekraad, weermag, goewerneurskantoor en tradisionele owerhede bestaan. Die proses duur steeds voort en daarom het ons ook nog nie enige verslae opgestel nie.”
Titus het beklemtoon die Snyfontein-gemeenskap is veilig en as dit by hulpbronne kom, sal tydelike behuisingsgeriewe binnekort vir die mees geraakte huishoudings beskikbaar gestel word.
Hy het bygevoeg dat tente reeds opgeslaan is en die publiek binnekort deur 'n amptelike kennisgewing daarvan verwittig sal word.
- [email protected]
Inwoners van die Snyfontein-nedersetting, wat sowat 35 km buite Keetmanshoop geleë is, het hul harte uitgepraat ná die onlangse reën in die Suide wat daartoe gelei het dat die Neckartaldam oorgeloop het.
Die water kan sowat 1 km verder gesien word van waar die mense stroomop van die dam woon en dit wek groot kommer.
Volgens 'n verklaring deur die ministerie van landbou, water en grondhervorming hou die dam geen gevaar vir mense wat stroomop woon in nie. Snyfontein se inwoners voel daar is rede tot kommer, want die water kom glo té naby aan hulle.
Volgens 'n raadslid van die /Hai-/Khaua-tradisionele owerheid, mnr. Cedric Thomas, voel die gemeenskap dat die regering hulle mislei en ignoreer.
“Hulle het ons mislei. Daar is so baie van ons vrae aan die goewerneur se kantoor, asook die ministerie en ander sleutelbelangegroepe wat onbeantwoord bly,” het Thomas gesê.
Hy het verder gesê terwyl sekere beloftes aan die gemeenskap gemaak is, het daar niks van verdere pogings gekom om dit te bespreek nie.
DADELS VAN GEKOM
Die 63-jarige mnr. Elias Bobeje sê al wat vir hom oorgebly het, is verwarring en kommer.
“Om te sien hoe die water al hoe nader aan ons huise beweeg, veroorsaak dat baie inwoners vrae vra en eerlike antwoorde soek. Wat sal van ons oor wees as die water ons huise binnedring?” Bobeje sê alhoewel dit hartseer sal wees om 'n plek te verlaat waar hy reeds 40 jaar lank woon, sal dit nog hartseerder wees as hy sy besittings verloor.
“Ek sal baie dankbaar wees as die owerhede my na 'n veiliger plek hier op Snyfontein kan verskuif, want ek is verantwoordelik vir my 8-jarige kleinkind wat in skooltye by my woon.”
Bobeje was veronderstel om in 'n tent te woon wat onlangs deur die Namibiese weermag beskikbaar gestel is, maar hy sê die lewensomstandighede is ongunstig en die tent is onlangs deur die wind omgewaai – iets wat hy vrees dikwels sal gebeur.
“Tans is daar nóg 'n tent, nóg water op die plek waarheen ek veronderstel is om verskuif. Dit maak my bekommerd.”
GROTER VERLIESE
Die gemeenskap met sowat 1 200 inwoners sê hul grootste vrees is om 'n deel van hul voorvaderlike grond en -waardes te verloor.
'n Gemeenskapsaktivis, mnr. Jonathan Thomas, sê versoeke om grafte te verskuif, is ook geïgnoreer. Die begraafplaas is tans in die middel van die Kameelrivier wat gedeeltelik opgedroog het.
“Dit sal goed wees as ons nie in enige gevaar is nie. Laat ons egter eers wag en sien wat gebeur as die Kameelrivier, asook die Snyfontein, in volle vloed is. Niemand wil van hul voorvaderlike grond padgee nie – al behels dit ook dat hulle finansieel vergoed word.”
GOEWERNEURSKANTOOR
Mnr. Russel Titus, beherende administratiewe beampte in die ||Kharasstreek se goewerneurskantoor, sê die hervestigingsproses duur steeds voort.
“Ons het 'n taakmag hiervoor gestig wat uit die streekraad, weermag, goewerneurskantoor en tradisionele owerhede bestaan. Die proses duur steeds voort en daarom het ons ook nog nie enige verslae opgestel nie.”
Titus het beklemtoon die Snyfontein-gemeenskap is veilig en as dit by hulpbronne kom, sal tydelike behuisingsgeriewe binnekort vir die mees geraakte huishoudings beskikbaar gestel word.
Hy het bygevoeg dat tente reeds opgeslaan is en die publiek binnekort deur 'n amptelike kennisgewing daarvan verwittig sal word.
- [email protected]
Kommentaar
Republikein
Geen kommentaar is op hierdie artikel gelaat nie