Spar en vennote hou strande skoon

Mnr. Mossie Mostert van die Spar-groep se jaarlikse skoonmaakveldtog langs die Namibiese kus het weer talle fotograwe se aandag getrek. Michelle le Roux het die foto's­ op 19 Desember tussen Hentiesbaai en Swakopmund geneem. Tien dae is reeds sedert 12 Desember aan die operasie afgestaan, met werk wat vandag voortduur.­ Die naweek kom die groot kuierplekke in die riviermond aan die beurt. Spar Namibia se vennote in die projek is die Hentiesbaai Spar, Nedbank Namibia, Vivo Energy Namibia­ (Shell), Swanib Cables, Willard Batteries, McKane (NBL), Super Tyres, Cadbury, Vita Juice/Red Bull, Simba Chips, Star Body Works, Kosmos 94.1, LR Parts, Rent-a-Drum en Tuffy (vuilgoedsakke).