Spiderman vlieg na Mexiko
Swem vir gestremdes
Die 23-jarige Walvisbaaier Matheus Angula gaan Desembermaand saam met meer as 900 atlete aan die Internasionale Paralimpiese Komitee (IPK) se wêreldswemkampioenskap in Mexikostad deelneem.
Angula, wat ook op die bynaam Spiderman bekend is, sal dié kompetisie gebruik in 'n poging om vir die 2020 Tokio Paralimpiese Spele te kwalifiseer.
Die swemgogga het Angula eers in Maart verlede jaar gebyt, maar sedertdien laat hy die water met elke beskikbare geleentheid spat om superfiks te word.
Angula, wat sonder bene gebore is, is tans die nommer een swemmer in Afrika in die S6-afdeling waar hy koning in die vryslagdissipline kraai. Vir borsslag word hy in die S5-afdeling geplaas.
Sonia Lindemeier, sy afrigter, sê hy is uitstekend op dreef en gereed om die swembad met sy eerste internasionale kompetisie te oorwin. Volgens haar is reëlings reeds getref vir hul besoek aan Mexikostad waar die spele vanaf 2 tot 7 Desember aangebied word.
“Matheus is gretig en kan nie wag om in die water te kom nie. Hy het goeie tye in die oefeninge behaal en hopelik draai hy onder 50 sekondes voordat ons vertrek. Ongelukkig was daar tevore haakplekkies, soos die boete wat ons aan die lugredery moet betaal omrede die vorige kompetisie in September gekanselleer was.
Gelukkig het ons dié keer hulp van 'n hele paar mense ontvang wat tot ons reis bygedra het. Ek is net verlig dat die kampioenskap se datums nou vasgestel is,” sê Lindemeier.
“Matheus se tye het sedert Augustus geweldig verbeter, want hy swem tans die 50 meter vryslag in net oor die 50 sekondes.
“Sy tyd by die Suid-Afrikaanse nasionale kampioenskap was 59.79 sekondes, maar dis nou aansienlik minder. By dieselfde kompetisie was sy tye onderskeidelik 55.13 sekondes en 2 minute 6 sekondes vir die 50 borsslag en 100 vryslag.”
Atlete van 65 lande sal vanjaar aan die elite kompetisie deelneem waar gewigoptel ook aangebied word.
- Nampa
Angula, wat ook op die bynaam Spiderman bekend is, sal dié kompetisie gebruik in 'n poging om vir die 2020 Tokio Paralimpiese Spele te kwalifiseer.
Die swemgogga het Angula eers in Maart verlede jaar gebyt, maar sedertdien laat hy die water met elke beskikbare geleentheid spat om superfiks te word.
Angula, wat sonder bene gebore is, is tans die nommer een swemmer in Afrika in die S6-afdeling waar hy koning in die vryslagdissipline kraai. Vir borsslag word hy in die S5-afdeling geplaas.
Sonia Lindemeier, sy afrigter, sê hy is uitstekend op dreef en gereed om die swembad met sy eerste internasionale kompetisie te oorwin. Volgens haar is reëlings reeds getref vir hul besoek aan Mexikostad waar die spele vanaf 2 tot 7 Desember aangebied word.
“Matheus is gretig en kan nie wag om in die water te kom nie. Hy het goeie tye in die oefeninge behaal en hopelik draai hy onder 50 sekondes voordat ons vertrek. Ongelukkig was daar tevore haakplekkies, soos die boete wat ons aan die lugredery moet betaal omrede die vorige kompetisie in September gekanselleer was.
Gelukkig het ons dié keer hulp van 'n hele paar mense ontvang wat tot ons reis bygedra het. Ek is net verlig dat die kampioenskap se datums nou vasgestel is,” sê Lindemeier.
“Matheus se tye het sedert Augustus geweldig verbeter, want hy swem tans die 50 meter vryslag in net oor die 50 sekondes.
“Sy tyd by die Suid-Afrikaanse nasionale kampioenskap was 59.79 sekondes, maar dis nou aansienlik minder. By dieselfde kompetisie was sy tye onderskeidelik 55.13 sekondes en 2 minute 6 sekondes vir die 50 borsslag en 100 vryslag.”
Atlete van 65 lande sal vanjaar aan die elite kompetisie deelneem waar gewigoptel ook aangebied word.
- Nampa
Kommentaar
Republikein
Geen kommentaar is op hierdie artikel gelaat nie