Stadpolisieman skuldig aan moord

Jacqueline Louw - Stadpolisieman Justin Munsu Simataa (31) is vanmiddag deur regter Nate Ndauendapo in die Windhoek hoërhof skuldig bevind op die moord op die 25-jarige mnr. Firmino Fabrice Mael. Simataa het die magasyn van sy vuurwapen in die vroeë oggendure van 26 Oktober 2012 leeggeskiet op die motor waarin Mael en sy vriende was. Mael het op die toneel gesterf en sy vriend, mnr. Millikando Likando, is ernstig gewond.