Star vra vrae oor R500 m. Pepkor-skuld

Janice Kew – Steinhoff Africa Retail (Star) gaan teen die einde van Augustus hoor presies hoeveel hy vir ’n omstrede bestuurs-aansporingsplan gaan moet betaal.Die maatskappy wat klerewinkels soos Pep en Ackermans besit, het in Mei gewaarsku hy moet soveel as R500 miljoen hiervoor betaal.Die plan is in 2011 deur Pepkor Holdings opgestel toe Star nog deel van Christo Wiese se Steinhoff International was.Steinhoff het Pepkor Holdings in 2015 gekoop en vorm vandag die grootste deel van Star.Star het die Kaapse prokureursfirma Bowmans aangestel om vas te stel hoe die kleinhandelaar steeds vir die ooreenkoms verantwoordelik is.Volgens die plan is 44 van Pepkor se bestuurders toegelaat om geld by die maatskappy te leen en in die maatskappy te belê. Die lenings is deur die maatskappy gewaarborg.Jayendra Naidoo, voorsitter van Star, sê hy verwag Bowmans sal binne ses weke terugvoering verskaf.Risiko’s“In dié stadium sê ons net daar is ’n kans dat ons dit gaan moet betaal en ons maak voorsiening daarvoor,” sê Naidoo.“Ons standpunt is duidelik: Ons wil die skuld invorder en ’n sinvolle manier vind hoe om die risiko’s te versag. Ons weet nie almal kan bekostig om daardie lenings terug te betaal nie.”Die moontlike afskryf van die skuld is een van vele uitdagings waardeur Star in die eerste tien maande as genoteerde maatskappy in die gesig gestaar is.Sy aandeleprys het geval nadat Steinhoff, wat ’n 71%-belang in Star besit, in Desember aangekondig het dat daar rekeningkundige probleme is. Dit is ongeag die feit dat daar geen probleme met Star se finansiële state was nie.Beleggersvertroue het onlangs ook skade gelei weens die geskil tussen Star se bestuur en die stigters van Tekkie Town.PepkorplanDie Pepkorplan is geskep omdat, as ’n geslote onderneming, kon bestuurders nie aandele in die maatskappy koop en dan voordeel uit sy groei trek nie.’n Maatskappy genaamd Business Ventures Investments 1499 (BVI) is geskep om dié probleem op te los.Bestuurders kon in BVI belê, wat weer ’n belang in Pepkor bekom het.Sommige bestuurders het hul eie geld gebruik om ’n belang in BVI te bekom, maar ander het weer geld by Pepkor en FirstRand se Rand Merchant Bank (RMB) geleen.Die RMB-lenings is deur Pepkor gewaarborg.‘Eerste prys’Wiese dink steeds die plan was ’n goeie plan, al is hy nie meer by Star betrokke nie.“Vir my wen jy die eerste prys wanneer bestuurders self soveel moontlik aan die lotgeval van die maatskappy blootgestel is,” sê hy in ’n telefoniese onderhoud.“Dit laat my ontspan wanneer my bestuurders en aandeelhouers saamstaan. Ons swem saam; ons sink saam.”Toe Steinhoff Pepkor gekoop het, het die transaksie ook al Pepkor se aanspreeklikhede, onder meer die waarborge vir hierdie lenings, ingesluit.Die Pepkor-aandele wat BVI besit het, is in Steinhoff-aandele verander, maar dit het in Desember in duie gestort nadat die skandaal onthul is.Dit beteken sommige van die bestuurders kan nie die aandele gebruik om die lenings terug te betaal nie, wat beteken Star gaan nou moet pa staan vir die skuld.Theo Botha, ’n belegger en aktivis vir korporatiewe bestuur, sê volgens die struktuur word daar “met aandeelhouers se geld gedobbel”.Hy sê ook aandeelhouers is nie betyds oor die risiko’s ingelig nie.BVI besit 43,2 miljoen aandele in Steinhoff. Teen die middel van Desember het hy sowat R440 miljoen aan die bank geskuld.Met dié dat Steinhoff se aandele teen minder as R10 elk verhandel het, beteken dit die skuld kon nie meer met die aandele betaal word nie.Naidoo sê die vraag oor hoekom beleggers nie vroeër oor die waarborg aan BVI ingelig is en hoekom die Steinhoff-aandele nie in Star-aandele verander is nie, is “geldige vrae”.Hy sê Star probeer sedert Desember om groter probleme wat geskep is weens sy noue skakeling met Steinhoff op te los.Daar is eers onlangs na ander kwessies gekyk.“Daar was baie min openbaarmaking, indien enige,” sê Botha.“Waarom moet ’n nuwe maatskappy die rekening betaal? Die uitvoerende bestuur moet self betaal.”– Fin24

Star vra vrae oor R500 m. Pepkor-skuld

Kommentaar

Republikein 2025-04-16

Meld asseblief aan om kommentaar te lewer

Star vra vrae oor R500 m. Pepkor-skuld

Kommentaar

Republikein 2025-04-16

Meld asseblief aan om kommentaar te lewer

MELD AAN

Advertensie