Steeds nouer bande met China
Die Khomasstreek en die Jiangsu-provinsie het hul vriendskaplike bedoelings onlangs op skrif gesit.
Augetto Graig
Verlede Vrydag het die Khomasstreekraad sy bande met die plaaslike regering van China se Jiangsu-provinsie versterk.
Dié twee middelvlakregerings het 'n dokument onderteken om hul vriendskapsbande te versterk.
Me. Rachel Jacob, voorsitter van Khomas se streekraad, het mnr. Wei Guoqiang, adjunkvoorsitter van China se Jiangsu-provinsie se staande komitee, aan die geskiedkundige verhouding tussen die twee liggame herinner.
Guoqiang het me. Laura McLeod-Katjirua, Khomas se streekgoewerneur, se waardevolle bydrae tot die verhouding tussen die twee regerings geprys.
“Handel tussen Namibië en China het so vinnig gegroei. China se hoof- uitvoerprodukte na Namibië en die Khomasstreek, Namibië se handelskern, sluit meganiese en elektroniese toerusting, klere, skoene, hardeware, toeristeprodukte en ander alledaagse noodsaaklikhede in, terwyl Namibië grootliks minerale, seeprodukte, velle, lewende volstruise en ander produkte na China uitvoer,” het Jacob gesê.
Sy het die onlangse uitvoer van beesvleis na China as 'n mylpaal beskryf. “Sowat 24 ton beesvleis het Windhoek op 28 Maart vanjaar reeds vir Beijing verlaat,” het sy gesê.
Volgens Jacob is Jiangsu en Khomas beide nywerheidsentrums en sal die nuutste verwikkelinge waarde toevoeg en “beide effektebeurse volhoubaar bevoordeel”, het sy gesê.
Omdat Khomas, wat Windhoek insluit, reeds goed ontwikkel is, kan Chinese ondernemings in verskeie geleenthede belê, het Jacob gesê, en veral geleenthede in die verwerking van landbouprodukte en ander waardetoevoegingsprojekte uitgelig.
“Vervaardiging in die Khomasstreek behels meestal vleisverwerking, bottelering, inmaak, brou, verkoeling en plastiekvervaardiging. Ook aluminiumprodukte, drankies, sonskerm, blindings, afdakke, matte, houtskool, chemikalieë, klere, bakkery, kosproduksie, meubels, staalprodukte ensovoorts. Die verwerking van verf, metaalwerk, plastiekverpakking, veiligheidsklere en sonkrag vind ook plaas, hoewel op 'n kleiner skaal,” het sy gesê.
Jacob het die belang van handel in die Khomasstreek beklemtoon.
“Windhoek het 'n lewendige motormark met nuwe en tweedehandse motors, asook onderdele,” het sy gesê en bygevoeg die streek se telekommunikasie-, vervoer-, toerisme- en veiligheidsbedryf is gesond.
Jacob wil die Khomasstreek as toeristebestemming sien groei en het gesê die streek se bank-, finansiële en infrastruktuurdienste is van Suider-Afrika se beste.
Samewerking tussen Khomas en die Nanjing Drum Tower Hospital se Nanjing- mediese universiteit bestaan amptelik sedert 23 Oktober 2018 om aansteeklike siektes, intensiewe sorg, kroniese siektes en nierversaking in die streek beter te hanteer en behandel.
Khomas en Jiangsu se sokkerverenigings het ooreengekom om saam te werk op die gebiede van jeugontwikkeling, klubvennootskappe, geleentheidsbestuur, administrasie, kapasiteitsbou, infrastruktuurontwikkeling, afrigting en opleiding.
Die twee streke se Rooikruisverenigings werk reeds saam, het sy gesê.
Volgens Guoqiang is Jiangsu hoogs ontwikkeld en dra dié provinsie 10% tot China se jaarlikse bruto binnelandse produk (BBP) by.
Hy het belowe om moderne landboumaatskappye op besoek aan Khomas te bring.
“Ons is ook groot op die gebied van wetenskap, tegnologie en skeppendheid met 'n merkwaardige plaaslike vermoë. Daar is meer as 130 universiteite, meer as 100 beroepsopleidingskole, en sowat 1,9 miljoen studente in ons provinsie,” het hy gesê.
“Ons organisasies kan ons nouer verbind en dit is belangrik dat ons die vermoë het om samewerking te bevorder en spesiale projekte tot uitvoering te bring,” het hy gesê.
Verlede Vrydag het die Khomasstreekraad sy bande met die plaaslike regering van China se Jiangsu-provinsie versterk.
Dié twee middelvlakregerings het 'n dokument onderteken om hul vriendskapsbande te versterk.
Me. Rachel Jacob, voorsitter van Khomas se streekraad, het mnr. Wei Guoqiang, adjunkvoorsitter van China se Jiangsu-provinsie se staande komitee, aan die geskiedkundige verhouding tussen die twee liggame herinner.
Guoqiang het me. Laura McLeod-Katjirua, Khomas se streekgoewerneur, se waardevolle bydrae tot die verhouding tussen die twee regerings geprys.
“Handel tussen Namibië en China het so vinnig gegroei. China se hoof- uitvoerprodukte na Namibië en die Khomasstreek, Namibië se handelskern, sluit meganiese en elektroniese toerusting, klere, skoene, hardeware, toeristeprodukte en ander alledaagse noodsaaklikhede in, terwyl Namibië grootliks minerale, seeprodukte, velle, lewende volstruise en ander produkte na China uitvoer,” het Jacob gesê.
Sy het die onlangse uitvoer van beesvleis na China as 'n mylpaal beskryf. “Sowat 24 ton beesvleis het Windhoek op 28 Maart vanjaar reeds vir Beijing verlaat,” het sy gesê.
Volgens Jacob is Jiangsu en Khomas beide nywerheidsentrums en sal die nuutste verwikkelinge waarde toevoeg en “beide effektebeurse volhoubaar bevoordeel”, het sy gesê.
Omdat Khomas, wat Windhoek insluit, reeds goed ontwikkel is, kan Chinese ondernemings in verskeie geleenthede belê, het Jacob gesê, en veral geleenthede in die verwerking van landbouprodukte en ander waardetoevoegingsprojekte uitgelig.
“Vervaardiging in die Khomasstreek behels meestal vleisverwerking, bottelering, inmaak, brou, verkoeling en plastiekvervaardiging. Ook aluminiumprodukte, drankies, sonskerm, blindings, afdakke, matte, houtskool, chemikalieë, klere, bakkery, kosproduksie, meubels, staalprodukte ensovoorts. Die verwerking van verf, metaalwerk, plastiekverpakking, veiligheidsklere en sonkrag vind ook plaas, hoewel op 'n kleiner skaal,” het sy gesê.
Jacob het die belang van handel in die Khomasstreek beklemtoon.
“Windhoek het 'n lewendige motormark met nuwe en tweedehandse motors, asook onderdele,” het sy gesê en bygevoeg die streek se telekommunikasie-, vervoer-, toerisme- en veiligheidsbedryf is gesond.
Jacob wil die Khomasstreek as toeristebestemming sien groei en het gesê die streek se bank-, finansiële en infrastruktuurdienste is van Suider-Afrika se beste.
Samewerking tussen Khomas en die Nanjing Drum Tower Hospital se Nanjing- mediese universiteit bestaan amptelik sedert 23 Oktober 2018 om aansteeklike siektes, intensiewe sorg, kroniese siektes en nierversaking in die streek beter te hanteer en behandel.
Khomas en Jiangsu se sokkerverenigings het ooreengekom om saam te werk op die gebiede van jeugontwikkeling, klubvennootskappe, geleentheidsbestuur, administrasie, kapasiteitsbou, infrastruktuurontwikkeling, afrigting en opleiding.
Die twee streke se Rooikruisverenigings werk reeds saam, het sy gesê.
Volgens Guoqiang is Jiangsu hoogs ontwikkeld en dra dié provinsie 10% tot China se jaarlikse bruto binnelandse produk (BBP) by.
Hy het belowe om moderne landboumaatskappye op besoek aan Khomas te bring.
“Ons is ook groot op die gebied van wetenskap, tegnologie en skeppendheid met 'n merkwaardige plaaslike vermoë. Daar is meer as 130 universiteite, meer as 100 beroepsopleidingskole, en sowat 1,9 miljoen studente in ons provinsie,” het hy gesê.
“Ons organisasies kan ons nouer verbind en dit is belangrik dat ons die vermoë het om samewerking te bevorder en spesiale projekte tot uitvoering te bring,” het hy gesê.
Kommentaar
Republikein
Geen kommentaar is op hierdie artikel gelaat nie