Steinhoff het nog nie eis van Coronation ontvang
Nellie Brand-Jonker - Steinhoff het gister gesê hy het nog geen eis van die batebestuurder Coronation ontvang nie.
Business Day het gisteroggend berig Coronation is die eerste batebestuurder wat ’n eis teen Steinhoff instel.
Netwerk24 kon dit nie van Coronation bevestig nie.
Coronation het ’n groot belang in Steinhoff gehad net voor die dramatiese gebeure in Desember wat daartoe gelei het dat Steinhoff se aandeelprys oor ’n afgrond geval het.
Steinhoff het aandeelhouers Donderdag ingelig oor alles wat sedert sy jaarvergadering op 20 April gebeur het.
Dit sluit in die eis van R59 miljard wat van Christo Wiese, voorheen voorsitter en grootste aandeelhouer van Steinhoff, ontvang is, plus ’n eis van Tekkie Town se vorige eienaars en van die Stellenbosse bankier GT Ferreira. Tekkie Town en Ferreira se eise beloop altesame meer as R3 miljard.
Steinhoff het ook aangekondig die proses het begin van ’n groepsgeding wat in Duitsland teen hom ingestel word.
’n Soortgelyke proses wat in Nederland begin is, is reeds bekend en is deur die Vereniging van Effectenbezitters (VEB) aanhangig gemaak. Dit is ’n Nederlandse vereniging vir beleggers wat al in 1924 opgerig is.
Ten opsigte van die VEB-geding het Steinhoff bekendgemaak hy het die hof versoek om Markus Jooste, voormalige uitvoerende hoof, deel van die regsgeding te maak.
“Dus, as die hof ’n uitspraak lewer wat ’n eis toeken teen een verweerder (in dié geval die maatskappy) sal dit die maatskappy op sy beurt in staat stel om ’n eis teen die party in te stel wat deel van die regsgeding gemaak is,” het Armand Kersten, direkteur van openbare betrekkinge van VEB, verduidelik.- Netwerk24
Business Day het gisteroggend berig Coronation is die eerste batebestuurder wat ’n eis teen Steinhoff instel.
Netwerk24 kon dit nie van Coronation bevestig nie.
Coronation het ’n groot belang in Steinhoff gehad net voor die dramatiese gebeure in Desember wat daartoe gelei het dat Steinhoff se aandeelprys oor ’n afgrond geval het.
Steinhoff het aandeelhouers Donderdag ingelig oor alles wat sedert sy jaarvergadering op 20 April gebeur het.
Dit sluit in die eis van R59 miljard wat van Christo Wiese, voorheen voorsitter en grootste aandeelhouer van Steinhoff, ontvang is, plus ’n eis van Tekkie Town se vorige eienaars en van die Stellenbosse bankier GT Ferreira. Tekkie Town en Ferreira se eise beloop altesame meer as R3 miljard.
Steinhoff het ook aangekondig die proses het begin van ’n groepsgeding wat in Duitsland teen hom ingestel word.
’n Soortgelyke proses wat in Nederland begin is, is reeds bekend en is deur die Vereniging van Effectenbezitters (VEB) aanhangig gemaak. Dit is ’n Nederlandse vereniging vir beleggers wat al in 1924 opgerig is.
Ten opsigte van die VEB-geding het Steinhoff bekendgemaak hy het die hof versoek om Markus Jooste, voormalige uitvoerende hoof, deel van die regsgeding te maak.
“Dus, as die hof ’n uitspraak lewer wat ’n eis toeken teen een verweerder (in dié geval die maatskappy) sal dit die maatskappy op sy beurt in staat stel om ’n eis teen die party in te stel wat deel van die regsgeding gemaak is,” het Armand Kersten, direkteur van openbare betrekkinge van VEB, verduidelik.- Netwerk24
Kommentaar
Republikein
Geen kommentaar is op hierdie artikel gelaat nie