Steinhoff wil sy Afrika-kleinhandel apart noteer
Steinhoff het Woensdagmiddag gesê hy “evalueer en inisieer” stapper om sy kleinhandelbedrywighede in Afrika apart op die JSE te noteer.
Die maatskappy het op Sens, die JSE se nuusdiens, gesê voor die notering sal hy die bedrywighede konsolideer. Dit sluit in Pepkor Suid-Afrika en die res van Afrika, JD Group, Unitrans Automotive, Steinbuild, Poco South Africa en Tekkie Town.
Dit sal in een houermaatskappy, wat voorlopig ListCo genoem word, gekonsolideer word.
Steinhoff sê sy kleinhandelbedrywighede in Afrika bestaan uit “hoogs herkenbare” handelsname met ’n uitgebreide kleinhandelvoetspoor en “indrukwekkende” geskiedenis van groei, in Suid-Afrika en die res van Afrika.
Steinhoff sê hy sal steeds ’n beherende belang in ListCo besit. Dit is sy visie om ’n gediversifiseerde multiformaat genoteerde kleinhandelmaatskappy van beduidende grootte en skaal, met sy wortels in Afrika, te skep.
Die maatskappy sê die aparte genoteerde entiteit kan onafhanklik gewaardeer word en die genoteerde prys sal die situasie vermy waar hierdie bates ondergewaardeer word.
’n Skeiding van Steinhoff se kleinhandelbedrywighede in ontluikende markte en dié in ontwikkelde markte is ’n “natuurlike progressie vir die onderskeie ondernemings gegewe die uiteenlopende strategiese fokus in elke mark,” sê die maatskappy.
Enige besluit om voort te gaan met die notering sal onderhewig wees aan ’n aantal faktore, insluitende markomstandighede en regulatoriese goedkeuring, volgens Steinhoff.
Hy voorsien dat die notering in die derde kwartaal van 2017 voltooi sal wees.
Die onderhandelinge, indien suksesvol afgehandel, kan ’n wesenlike invloed op Steinhoff se aandeelprys hê en aandeelhouers word aangeraai om die aandele met omsigtigheid te verhandel totdat verdere besonderhede bekend gemaak word.
Steinhoff het ’n primêre notering op die Frankfurt aandelebeurs en ’n sekondêre notering op die JSE.
Steinhoff en Shoprite het in Desember planne aangekondig om die twee maatskappye se kleinhandelbedrywighede in Afrika saam te smelt in Retail Africa, ’n nuwe kleinhandelreus.
Die onderhandelinge is egter in Februarie beëindig. Netwerk24
Die maatskappy het op Sens, die JSE se nuusdiens, gesê voor die notering sal hy die bedrywighede konsolideer. Dit sluit in Pepkor Suid-Afrika en die res van Afrika, JD Group, Unitrans Automotive, Steinbuild, Poco South Africa en Tekkie Town.
Dit sal in een houermaatskappy, wat voorlopig ListCo genoem word, gekonsolideer word.
Steinhoff sê sy kleinhandelbedrywighede in Afrika bestaan uit “hoogs herkenbare” handelsname met ’n uitgebreide kleinhandelvoetspoor en “indrukwekkende” geskiedenis van groei, in Suid-Afrika en die res van Afrika.
Steinhoff sê hy sal steeds ’n beherende belang in ListCo besit. Dit is sy visie om ’n gediversifiseerde multiformaat genoteerde kleinhandelmaatskappy van beduidende grootte en skaal, met sy wortels in Afrika, te skep.
Die maatskappy sê die aparte genoteerde entiteit kan onafhanklik gewaardeer word en die genoteerde prys sal die situasie vermy waar hierdie bates ondergewaardeer word.
’n Skeiding van Steinhoff se kleinhandelbedrywighede in ontluikende markte en dié in ontwikkelde markte is ’n “natuurlike progressie vir die onderskeie ondernemings gegewe die uiteenlopende strategiese fokus in elke mark,” sê die maatskappy.
Enige besluit om voort te gaan met die notering sal onderhewig wees aan ’n aantal faktore, insluitende markomstandighede en regulatoriese goedkeuring, volgens Steinhoff.
Hy voorsien dat die notering in die derde kwartaal van 2017 voltooi sal wees.
Die onderhandelinge, indien suksesvol afgehandel, kan ’n wesenlike invloed op Steinhoff se aandeelprys hê en aandeelhouers word aangeraai om die aandele met omsigtigheid te verhandel totdat verdere besonderhede bekend gemaak word.
Steinhoff het ’n primêre notering op die Frankfurt aandelebeurs en ’n sekondêre notering op die JSE.
Steinhoff en Shoprite het in Desember planne aangekondig om die twee maatskappye se kleinhandelbedrywighede in Afrika saam te smelt in Retail Africa, ’n nuwe kleinhandelreus.
Die onderhandelinge is egter in Februarie beëindig. Netwerk24
Kommentaar
Republikein
Geen kommentaar is op hierdie artikel gelaat nie