Suid-Afrika verleng studiepermitte
Henriette Lamprecht - Die Suid-Afrikaanse departement van binnelandse sake het ’n omvattende verlenging tot einde Maart aanstaande jaar op alle studiepermitte vir studies aan tersiêre instellings in Suid-Afrika uitgereik.
Dit is van toepassing op alle studiepermitte met ’n vervaldatum van 31 Desember 2016 of voor dit en is op voorwaarde dat die datum van vertrek uit Suid-Afrika nie later as 31 Maart 2017 is nie.
Die vereistes soos voorgeskryf in regulasie 27(a) en (c) van die immigrasieregulasies word ook ter syde gestel sodat geraakte studente nie as ’n “ongewenste persoon” verklaar word, sou hulle Suid-Afrika ná die vervaldatum van hul tydelike verblyfpermitte verlaat nie.
Dié betrokke studente sal daarom volgens ’n verklaring nie beskou word as sou hulle hul permitte oorskry het nie. Beamptes by alle doeanepunte is volgens die verklaring dienooreenkomstig ingelig.
“Ons moes in die belang van studente ingryp en die situasie by tersiêre instellings sowel as studente se strewe om hul akademiese jaar te voltooi in ag neem. Om teen dit op te tree, sou onsensitief teenoor die lot van studente, hul ouers, borge en die breër gemeenskap wees,” het die Suid-Afrikaanse minister van binnelandse sake, mnr. Malusi Gigaba, gesê.
Volgens Gigaba is dit noodsaaklik vir studente se toekoms en dié van hul onderskeie lande, insluitend Suid-Afrika, gegewe hul potensiaal om ’n betekenisvolle bydrae tot “ons ekonomiese groei en vooruitgang” te maak.
Die verklaring sê voorts Gigaba het voorleggings van tersiêre instellings en rolspelers in die verband ontvang en wat verskeie in die sektor raak.
Die administratiewe verlenging word in terme van artikel 31(2)(c) van die Immigrasiewet van 2002 toegestaan. Dit maak voorsiening vir die tersydestelling van enige voorgeskrewe vereiste of vorm vir “’n goeie saak”.
Dit is van toepassing op alle studiepermitte met ’n vervaldatum van 31 Desember 2016 of voor dit en is op voorwaarde dat die datum van vertrek uit Suid-Afrika nie later as 31 Maart 2017 is nie.
Die vereistes soos voorgeskryf in regulasie 27(a) en (c) van die immigrasieregulasies word ook ter syde gestel sodat geraakte studente nie as ’n “ongewenste persoon” verklaar word, sou hulle Suid-Afrika ná die vervaldatum van hul tydelike verblyfpermitte verlaat nie.
Dié betrokke studente sal daarom volgens ’n verklaring nie beskou word as sou hulle hul permitte oorskry het nie. Beamptes by alle doeanepunte is volgens die verklaring dienooreenkomstig ingelig.
“Ons moes in die belang van studente ingryp en die situasie by tersiêre instellings sowel as studente se strewe om hul akademiese jaar te voltooi in ag neem. Om teen dit op te tree, sou onsensitief teenoor die lot van studente, hul ouers, borge en die breër gemeenskap wees,” het die Suid-Afrikaanse minister van binnelandse sake, mnr. Malusi Gigaba, gesê.
Volgens Gigaba is dit noodsaaklik vir studente se toekoms en dié van hul onderskeie lande, insluitend Suid-Afrika, gegewe hul potensiaal om ’n betekenisvolle bydrae tot “ons ekonomiese groei en vooruitgang” te maak.
Die verklaring sê voorts Gigaba het voorleggings van tersiêre instellings en rolspelers in die verband ontvang en wat verskeie in die sektor raak.
Die administratiewe verlenging word in terme van artikel 31(2)(c) van die Immigrasiewet van 2002 toegestaan. Dit maak voorsiening vir die tersydestelling van enige voorgeskrewe vereiste of vorm vir “’n goeie saak”.
Kommentaar
Republikein
Geen kommentaar is op hierdie artikel gelaat nie