Suide kry plek-plek lafenis
Tanja Bause – Dele van die suide van Namibië het uiteindelik reën ontvang.
Reën is onder meer in die Kalahari, Keetmanshoop, Ariamsvlei, Koës en Maltahöhe ontvang met talle riviere wat geloop het.
“Ons het vir die hele reënseisoen tot dusver slegs 6 mm reën ontvang en toe kry ons eergister 100 mm in die wildkamp, en 80 mm by die huis. Ons is baie geseënd,” het me. Gabby van Niekerk van die Red Dune Camp op die plaas Tranendal in die Kalahari gesê.
Die Huduprivier het Dinsdag by die Maltahöhe-hotel verbygevloei, en Woensdag het die rivier die plaas Karichab bereik.
“Die Huduprivier het baie natuurlike fonteine en daar is gewoonlik baie waterpoele in die rivier, maar weens die droogte het dit opgedroog. Die boere hier het die rivier nog nooit so droog gesien nie.
“Groot was die vreugde toe die rivier afgekom het – veral omdat die Otto-gesin van die plaas die rivier ongeveer 20 jaar laas só in vloed gesien het. Die plaas self het van Desember tot nou toe slegs 16 mm reën ontvang,” het me. Leejuan Brews-Otto gesê.
“Dit het gesous van 120 km voor Grünau op pad Ariamsvlei toe. Verskeie riviere het geloop. Riviere wat ons jare laas sien loop het. In baie dele was daar net sand en bosse en geen gras meer nie. Prys die Here. Dit is die beste begin vir 2020,” het me. Rina Blaauw-Fraser op die Facebook-bladsy “Reën in Namibia” gesê.
Die Auobrivier, wat verby Stampriet en Gochas loop, was by Stampriet in vloed.
“Wat ’n wonderlike ervaring ná soveel jaar om die rivier in vloed te sien,” het mnr. Den Barnes gesê.
Die Löwenrivier voor Keetmanshoop en die Nossobrivier by Leonardville het ook geloop volgens inligting wat mense op “Reën in Namibia” gedeel het.
Die Ugabrivier het die vierde keer dié seisoen verby die Brandberg White Lady Lodge geloop en die Hoarusib, wat einde laas jaar die see bereik het, het vandeesweek weer by Puros verbygevloei.
Die Swakoprivier het by Okahandja geloop en die Kahn het by die Khan River Lodge geloop.
Die Omatako tussen Okahandja en Otjiwarongo het ook afgekom.
Koës het volgens me. Heidi Smith tussen 70 en 80 mm reën ontvang.
“Die Koës Ralley-pan is vol water,” het sy gesê.
Op die plaas Warmbakkies op die hoofpad tussen Keetmanshoop en Grünau het dit 17 mm gereën. Terwyl die plaas Treuenfels, noord van Wilhelmstal, 18 mm in net 20 minute ontvang het.
Die plaas Cheetahveiw, oos van Otjiwarongo, het oor twee dae 105 mm ontvang. Die plaas Sondernaam in die Outjo-omgewing het 90 mm reën in vier ure ontvang.
Volgens mnr. Sakaria Kandenge reën dit al die afgelope twee weke amper elke dag op Ondangwa en is die Noorde sopnat.
Die Epupu-valle by Ruacana in die Kunenestreek het tans ook baie water danksy die Kunenerivier wat afgekom het.
Volgens inligting wat deur Sassccal WeatherNet verskaf is, het dit sedert Maandag by verskeie van hul weerstasies gereën.
Maandag het dit 26,2 mm in die sentrale Noorde by Ogongo gereën, 7,8 mm in Omatjene in die Erongostreek, 12,2 mm by die Omatako Ranch in die Otjozondjupastreek, en 4,1 mm in Sandveld noordoos van Gobabis.
Dinsdag het dit 11,6 mm by die John Pandeni-navorsingstasie by Grootfontein gereën, en 27,8 mm by die Alex Muranda-lewendehawe-ontwikkelingsentrum in die Kavangostreek.
Woensdag is 23,6 mm by Hamoye naby Rundu gemeet, 9,3 mm by die Tsumkwe-teelstasie, en 10,6 mm by Sachinga in die Zambezistreek.
[email protected]
Reën is onder meer in die Kalahari, Keetmanshoop, Ariamsvlei, Koës en Maltahöhe ontvang met talle riviere wat geloop het.
“Ons het vir die hele reënseisoen tot dusver slegs 6 mm reën ontvang en toe kry ons eergister 100 mm in die wildkamp, en 80 mm by die huis. Ons is baie geseënd,” het me. Gabby van Niekerk van die Red Dune Camp op die plaas Tranendal in die Kalahari gesê.
Die Huduprivier het Dinsdag by die Maltahöhe-hotel verbygevloei, en Woensdag het die rivier die plaas Karichab bereik.
“Die Huduprivier het baie natuurlike fonteine en daar is gewoonlik baie waterpoele in die rivier, maar weens die droogte het dit opgedroog. Die boere hier het die rivier nog nooit so droog gesien nie.
“Groot was die vreugde toe die rivier afgekom het – veral omdat die Otto-gesin van die plaas die rivier ongeveer 20 jaar laas só in vloed gesien het. Die plaas self het van Desember tot nou toe slegs 16 mm reën ontvang,” het me. Leejuan Brews-Otto gesê.
“Dit het gesous van 120 km voor Grünau op pad Ariamsvlei toe. Verskeie riviere het geloop. Riviere wat ons jare laas sien loop het. In baie dele was daar net sand en bosse en geen gras meer nie. Prys die Here. Dit is die beste begin vir 2020,” het me. Rina Blaauw-Fraser op die Facebook-bladsy “Reën in Namibia” gesê.
Die Auobrivier, wat verby Stampriet en Gochas loop, was by Stampriet in vloed.
“Wat ’n wonderlike ervaring ná soveel jaar om die rivier in vloed te sien,” het mnr. Den Barnes gesê.
Die Löwenrivier voor Keetmanshoop en die Nossobrivier by Leonardville het ook geloop volgens inligting wat mense op “Reën in Namibia” gedeel het.
Die Ugabrivier het die vierde keer dié seisoen verby die Brandberg White Lady Lodge geloop en die Hoarusib, wat einde laas jaar die see bereik het, het vandeesweek weer by Puros verbygevloei.
Die Swakoprivier het by Okahandja geloop en die Kahn het by die Khan River Lodge geloop.
Die Omatako tussen Okahandja en Otjiwarongo het ook afgekom.
Koës het volgens me. Heidi Smith tussen 70 en 80 mm reën ontvang.
“Die Koës Ralley-pan is vol water,” het sy gesê.
Op die plaas Warmbakkies op die hoofpad tussen Keetmanshoop en Grünau het dit 17 mm gereën. Terwyl die plaas Treuenfels, noord van Wilhelmstal, 18 mm in net 20 minute ontvang het.
Die plaas Cheetahveiw, oos van Otjiwarongo, het oor twee dae 105 mm ontvang. Die plaas Sondernaam in die Outjo-omgewing het 90 mm reën in vier ure ontvang.
Volgens mnr. Sakaria Kandenge reën dit al die afgelope twee weke amper elke dag op Ondangwa en is die Noorde sopnat.
Die Epupu-valle by Ruacana in die Kunenestreek het tans ook baie water danksy die Kunenerivier wat afgekom het.
Volgens inligting wat deur Sassccal WeatherNet verskaf is, het dit sedert Maandag by verskeie van hul weerstasies gereën.
Maandag het dit 26,2 mm in die sentrale Noorde by Ogongo gereën, 7,8 mm in Omatjene in die Erongostreek, 12,2 mm by die Omatako Ranch in die Otjozondjupastreek, en 4,1 mm in Sandveld noordoos van Gobabis.
Dinsdag het dit 11,6 mm by die John Pandeni-navorsingstasie by Grootfontein gereën, en 27,8 mm by die Alex Muranda-lewendehawe-ontwikkelingsentrum in die Kavangostreek.
Woensdag is 23,6 mm by Hamoye naby Rundu gemeet, 9,3 mm by die Tsumkwe-teelstasie, en 10,6 mm by Sachinga in die Zambezistreek.
[email protected]
Kommentaar
Republikein
Geen kommentaar is op hierdie artikel gelaat nie