Suksesvolle Comic Con weer in 2019 aangebied
Afrika se eerste Comic Con was so suksesvol dat die organiseerders pas bekend gemaak het dat dit volgende jaar weer gehou gaan word.
Luidens 'n verklaring het 45 000 aanhangers tussen 14 en 16 September dié gewilde popkultuurfees in die Kayalami Internasionale Konferensiesentrum in Midrand, Johannesburg, bygewoon.
Comic Con Africa was geskoei op die gelyknamige Amerikaanse popkultuurfees waar liefhebbers van videospeletjies, flieks, televisiereekse en strokiesprente bymekaarkom.
Reed Exhibitions, die maatskappy wat ook Comic Con in ander wêreldstede soos New York en San Diego reël, het dit ook na Suid-Afrika gebring.
Buiten kleurryke kostuums en 'n verskeidenheid stalletjies kon fanatici deelneem aan 'n reeks speletjietoernooie waarin groot prysgeld gewen is.
Internasionale sterre van gewilde televisiereekse soos The Big Bang Theory en Vikings was ook te sien.
Kaartjies vir die Saterdag en Sondag was ook lank voor die tyd al uitverkoop.
Gegrond op die sukses van die eerste Comic Con het Reed Exhibitions aangekondig dat 2019 se aflewering nóg groter gaan wees.
Die fees sal weer in Johannesburg plaasvind, hoewel die presiese datum en plek nog nie bekend is nie.– Netwerk24
Luidens 'n verklaring het 45 000 aanhangers tussen 14 en 16 September dié gewilde popkultuurfees in die Kayalami Internasionale Konferensiesentrum in Midrand, Johannesburg, bygewoon.
Comic Con Africa was geskoei op die gelyknamige Amerikaanse popkultuurfees waar liefhebbers van videospeletjies, flieks, televisiereekse en strokiesprente bymekaarkom.
Reed Exhibitions, die maatskappy wat ook Comic Con in ander wêreldstede soos New York en San Diego reël, het dit ook na Suid-Afrika gebring.
Buiten kleurryke kostuums en 'n verskeidenheid stalletjies kon fanatici deelneem aan 'n reeks speletjietoernooie waarin groot prysgeld gewen is.
Internasionale sterre van gewilde televisiereekse soos The Big Bang Theory en Vikings was ook te sien.
Kaartjies vir die Saterdag en Sondag was ook lank voor die tyd al uitverkoop.
Gegrond op die sukses van die eerste Comic Con het Reed Exhibitions aangekondig dat 2019 se aflewering nóg groter gaan wees.
Die fees sal weer in Johannesburg plaasvind, hoewel die presiese datum en plek nog nie bekend is nie.– Netwerk24
Kommentaar
Republikein
Geen kommentaar is op hierdie artikel gelaat nie