Swapo-verdeeldheid op kongres

Denver Kisting – Pres. Hage Geingob, staatshoof en Swapo se president, sê hy het gedink die strydbyl is ná verlede jaar se gewone kongres van dié party begrawe.Mnr. Armas Amukwiyu, die distrikkoördineerder van die Oshikotostreek, het ’n opskudding veroorsaak toe Geingob hom tydens sy toespraak ’n spreekbeurt gegee het.Dié sakeman van die Noorde het toe ’n beroep op afgevaardigdes gedoen om die bedreigde eenheid in die party te bespreek.Volgens hom skaats die voortbestaan van Swapo op gladde ys vanweë die onmin.Hy het verlede jaar teen me. Sophia Shangingwa verloor vir die pos van sekretaris-generaal van die party.Amukwiyu het volgehou hy eerbiedig steeds die nederlaag, maar dring daarop dat die verdeeldheid in Swapo ook dié naweek aandag moet geniet.Die minister van onderwys, kuns en kultuur, me. Katrina Hanse-Himarwa, het haar só vererg dat sy toe uit die gehoor vir Amukwiya gesê het: “Dit is nou genoeg.”Geingob het dié politieke swaargewig van die Hardapstreek gelyk gegee. “’n Mens gee nie ’n politikus ’n kans (om te praat) nie. Hy het nou bietjie die vergunning misbruik.”Tydens die opening van die party se buitengewone kongres in die hoofstad gisteroggend (Vrydag) het Geingob gesê dié beraad kan verreikende gevolge vir die regerende party inhou.Geingob sê daar is besluit om dié naweek veranderinge aan die party se grondwet te hanteer, omdat die agenda van die gewone kongres verlede jaar oorvol was.Grondwetlike veranderinge kan onvoorsiene gevolge teweeg bring, het Geingob gemaan.Derhalwe móét die samesprekings op ’n toegewyde en nugter manier geskied, sê hy.Hy sê hy het gedink daar is ná die bestuursverkiesing op verlede jaar se kongres blad geskud en aanbeweeg. Mnre. Jerry Ekandjo en Nahas Angula het teen Geingob om die presidentsposisie meegeding. “Ongelukkig is daar diegene, wat net ’n situasie kan aanvaar as die uitslag daarvan in hul guns is,” het hy gesê.Die president sê ’n dringende hofaansoek die afgelope week het uitsluitlik ten doel gehad om die naweek se buitengewone beraad te laat ontspoor.Mnr. Tobi Aupindi, ’n lid van die sentrale komitee, het gister op die perseel aan Republikein gesê Amukwiyu se pleidooi is geen slegte idee nie. “Maar dié is nie die platform daarvoor nie.”Volgens Aupindi sit kritici wat meen die buitengewone kongres vind teenstrydig met die party se grondwet plaas, die pot mis.Hoewel dié oppergesag nie omvattend daarvoor voorsiening maak nie, is die grondwet duidelik daaroor dat die gewone beraad, as hoogste besluitnemingsliggaam, énige besluit mag neem.Die politieke ontleder, dr. Charles Mubita, het die afgelope week gesê die grondwet dui aan slegs die sentrale komitee of ’n tweederdemeerdheid van die uitvoerende komitees van al 14 streke mag ’n buitengewone kongres belê.Onderskrif: Mnr. Armas Amukwiyu, die distrikskoördineer van die Oshikotostreek, deel vanoggend die podium saam met die Swapo-president, dr. Hage Geingob. FOTO DENVER KISTING

Swapo-verdeeldheid op kongres

Kommentaar

Republikein 2025-04-07

Meld asseblief aan om kommentaar te lewer

Swapo-verdeeldheid op kongres

Kommentaar

Republikein 2025-04-07

Meld asseblief aan om kommentaar te lewer

MELD AAN

Advertensie