Tara nommer 49 se brul om die draai
Tydrenne
Tielman van Lill - Die 49ste Tara-tydren wat deur die Windhoek Motorklub (WMK) en Vriende aangebied word, gaan vanjaar opnuut watertand aksie vir motorsportgeesdriftiges in en om die hoofstad opdis.
Vanjaar se byeenkoms spring op Vrydag 17 November om 15:00 by die Tony Rustrenbaan weg waar die eerste supersneldeel by dié baan gejaag word.
Dié trajek het verlede jaar sy waarde gewys toe deelnemers voor groot getalle toeskouers om en op stukke van die baan gejaag het.
Ná die aksie by die langbaan wes van Windhoek verskuif die spanne se aandag na die suidekant van die hoofstad waar die pap dik aangemaak word by Prosperita wat sy eie uitdagings aan die bestuurders en hul navigators bied.
Die volgende sneldele word wes van Windhoek naby Rocky Crest en sy klipperige gedeeltes aangebied wat ook maklike toegang vir toeskouers bied. Ondersteuners en die spanne sal dan na Tony Rust terugkeer waar die laaste van Vrydag se baandele afgehandel sal word.
Die Saterdagoggend verskuif die aksie na die suide naby Groot Aub en dan terug na die hoofstad.
In 2016 het die ikoniese tydren se laaste sneldeel by die Tony Rustrenbaan geëindig, maar vanjaar gaan die gewilde supersneldeel weer in die omgewig van die stadions in Olympia afgeblits word.
Die 49ste Windhoek Motorklub en Vriende Tara-tydren word weens ekonomiese omstandighede ietwat verkort, maar soos in die verlede bewys, is dit nie nodig vir 'n tydren om oor groot afstande beslis te word om suksesvol te wees nie.
REëLINGS VORDER
Die organiserende komitee wat deur Richard Slamet, voorsitter van die Windhoek Motorklub, aangevuur word, is hard aan die spook om die laaste reëlings in plek te laat val. Slamet word deur sy vrou Soraya en ander geswore petrolkoppe soos Carla Havenga, Barend Becker, Cornelia Liebenberg en Anja Lingner bygestaan.
Die gesoute Kaapse navigator en tydrenghoeroe, Derek Jacobs, is ook weer beskikbaar om sy kennis en talente met die Namibiërs te deel. Hy is die skrywer van die moet-lees tydrenboek Against the Clock and Everything Else wat teen R75 by Bid or Buy op die internet beskikbaar is.
“Al die reëlings is besig om vinnig in plek te val en ons beloof om weer 'n baie goeie, opwindende tydren aan te bied. Ons het soos verlede jaar baie goeie borge van vriende van die WMK gekry om die tydren te kan hou. Die roetes lyk interessant en veral die twee supersneldele by Tony Rust gaan lekker wees waar die toeskouers gaan sien hoe twee spanne mekaar nek aan nek gaan aandurf.
“Die 'revs' loop hoog en ons is slaggereed vir die Tara,” vertel Slamet ingenome.
Borge van vanjaar se Tara is Terrain Tamer, Safari 4x4, Gunite Pools, Atlas Copco, CCB, I-S Freight, Chubb, Satcom en Super Tyres.
Vanjaar se byeenkoms spring op Vrydag 17 November om 15:00 by die Tony Rustrenbaan weg waar die eerste supersneldeel by dié baan gejaag word.
Dié trajek het verlede jaar sy waarde gewys toe deelnemers voor groot getalle toeskouers om en op stukke van die baan gejaag het.
Ná die aksie by die langbaan wes van Windhoek verskuif die spanne se aandag na die suidekant van die hoofstad waar die pap dik aangemaak word by Prosperita wat sy eie uitdagings aan die bestuurders en hul navigators bied.
Die volgende sneldele word wes van Windhoek naby Rocky Crest en sy klipperige gedeeltes aangebied wat ook maklike toegang vir toeskouers bied. Ondersteuners en die spanne sal dan na Tony Rust terugkeer waar die laaste van Vrydag se baandele afgehandel sal word.
Die Saterdagoggend verskuif die aksie na die suide naby Groot Aub en dan terug na die hoofstad.
In 2016 het die ikoniese tydren se laaste sneldeel by die Tony Rustrenbaan geëindig, maar vanjaar gaan die gewilde supersneldeel weer in die omgewig van die stadions in Olympia afgeblits word.
Die 49ste Windhoek Motorklub en Vriende Tara-tydren word weens ekonomiese omstandighede ietwat verkort, maar soos in die verlede bewys, is dit nie nodig vir 'n tydren om oor groot afstande beslis te word om suksesvol te wees nie.
REëLINGS VORDER
Die organiserende komitee wat deur Richard Slamet, voorsitter van die Windhoek Motorklub, aangevuur word, is hard aan die spook om die laaste reëlings in plek te laat val. Slamet word deur sy vrou Soraya en ander geswore petrolkoppe soos Carla Havenga, Barend Becker, Cornelia Liebenberg en Anja Lingner bygestaan.
Die gesoute Kaapse navigator en tydrenghoeroe, Derek Jacobs, is ook weer beskikbaar om sy kennis en talente met die Namibiërs te deel. Hy is die skrywer van die moet-lees tydrenboek Against the Clock and Everything Else wat teen R75 by Bid or Buy op die internet beskikbaar is.
“Al die reëlings is besig om vinnig in plek te val en ons beloof om weer 'n baie goeie, opwindende tydren aan te bied. Ons het soos verlede jaar baie goeie borge van vriende van die WMK gekry om die tydren te kan hou. Die roetes lyk interessant en veral die twee supersneldele by Tony Rust gaan lekker wees waar die toeskouers gaan sien hoe twee spanne mekaar nek aan nek gaan aandurf.
“Die 'revs' loop hoog en ons is slaggereed vir die Tara,” vertel Slamet ingenome.
Borge van vanjaar se Tara is Terrain Tamer, Safari 4x4, Gunite Pools, Atlas Copco, CCB, I-S Freight, Chubb, Satcom en Super Tyres.
Kommentaar
Republikein
Geen kommentaar is op hierdie artikel gelaat nie