Teel vir ongewone kleure wek kommer
SA wildbedryf verwelkom mosie
Vida Booysen - Die Suid-Afrikaanse Jagters- en Wildbewaringsvereniging (SAJWV) het verlede maand in ’n verklaring die beroep verwelkom deur die Wêreldbewaringsunie (IUCN) op beleidmakers om teelprogramme te reguleer.
“Ons het reeds twee jaar gelede ons voorbehoude uitgespreek oor sekere intensiewe teelprogramme en ons verwelkom die mosies wat nou deur die IUCN aanvaar word,” sê Lizanne Nel, bewaringsbestuurder van die SAJWV, wat die internasionale kongres vandeesmaand bygewoon het.
Die aanbeveling van die IUCN vra “beter bestuur en regulering van selektiewe en intensiewe teelprogramme van groot wilde diere vir handelsdoeleindes”. Dit sluit in volgens die SAJWV ook spesies soos swartwitpense, koedoes, elande, blouwildebeeste, buffels, impalas en springbokke.
Die mosie definieer groot wilde soogdiere as individue van wildlewe-spesies ongeag die aantal jare wat hulle in gevangenskap was.
Dit sluit volgens die SAJWV se verklaring individuele diere uit wat in gevangenskap geteel is vir die doeleindes van kommersiële boerdery. Diere wat soos mak diere geteel word, word nie as “wilde diere” beskou nie en behoort nie gebruik te word vir die aanvulling of herinstelling van die wildbevolking nie.
Daar word ook in die mosie verwys na die huidige neigings in die teelpraktyke van wildlewe spesifiek vir kommersiële doeleindes om diere te produseer met spesifieke kenmerke, wat mag insluit “verbastering oor spesies, subspesies of ander erkende evolusionêre grense” en die moontlikheid dat sommige van hierdie diere mag ontsnap of in die natuur vrygelaat word.
Die regering van lande waar selektiewe teelprogramme vir wild plaasvind, word gevra om ’n strategie vir risikobeheer in te stel wanneer hierdie praktyk toegelaat word.
’n Verbod word ook gevra op doelbewuste kruisteling van groot wilde soogdiere oor alle spesies en subspesies heen, asook op die vrylating van sulke diere in die natuur.
Die IUCN waarsku ook dat dit noodsaaklik is vir lande om wettige raamwerke te ontwikkel om die impak van hierdie teelprogramme te monitor en te reguleer.
Die organisasie moedig die kommersiële wildbedryf aan om die potensiële risiko’s verbonde aan intensiewe teelproramme te erken en om saam met regerings en ander belanghebbendes te werk om die risiko’s te verminder.
Die SAJWV waarsku al geruime tyd dat die teel van kleurvariante Suid-Afrika se aansien as internasionale jag- en ekotoerismebestemming ongekende skade kan berokken weens buitelanders se persepsie oor diere wat in kunsmatige omstandighede geteel word.
Die vereniging het onlangs sy stem dik gemaak toe die departement van landbou, bosbou en visserye ’n lys in die Staatskoerant gepubliseer het waarvolgens wildboere voortaan met 12 wildsbokspesies kan teel soos met mak plaasdiere soos skape of beeste geteel kan word. Volgens Nel is hierdie besluit eensydig geneem sonder behoorlike inspraak deur wildbewaringsgroepe.
“As dit deurgevoer word, gaan Suid-Afrika sy natuurlike erfenis prysgee,” sê Nel.
Sy wys ook daarop dat die insluiting van wildspesies in die Wet op Diereverbetering strydig sal wees met die IUCN se mosie wat vandeesmaand aanvaar is.
Die SAJWV het die departement van omgewingsake genader oor die moontlikheid om die IUCN se mosie te aanvaar en toe te pas, maar volgens Nel het hulle nog nie terugvoering ontvang nie.
Die SAJWV wag ook steeds op terugvoering van die departement van landbou, bosbou en visserye en die departement omgewingsake oor die byvoeging van die 12 wildspesies tot die lys van mak diere. Dié wet val onder die beheer van die departement van landbou, bosbou en visserye, maar wetgewing oor wilde diere is die departement van omgewingsake se verantwoordelikheid. -Netwerk24
“Ons het reeds twee jaar gelede ons voorbehoude uitgespreek oor sekere intensiewe teelprogramme en ons verwelkom die mosies wat nou deur die IUCN aanvaar word,” sê Lizanne Nel, bewaringsbestuurder van die SAJWV, wat die internasionale kongres vandeesmaand bygewoon het.
Die aanbeveling van die IUCN vra “beter bestuur en regulering van selektiewe en intensiewe teelprogramme van groot wilde diere vir handelsdoeleindes”. Dit sluit in volgens die SAJWV ook spesies soos swartwitpense, koedoes, elande, blouwildebeeste, buffels, impalas en springbokke.
Die mosie definieer groot wilde soogdiere as individue van wildlewe-spesies ongeag die aantal jare wat hulle in gevangenskap was.
Dit sluit volgens die SAJWV se verklaring individuele diere uit wat in gevangenskap geteel is vir die doeleindes van kommersiële boerdery. Diere wat soos mak diere geteel word, word nie as “wilde diere” beskou nie en behoort nie gebruik te word vir die aanvulling of herinstelling van die wildbevolking nie.
Daar word ook in die mosie verwys na die huidige neigings in die teelpraktyke van wildlewe spesifiek vir kommersiële doeleindes om diere te produseer met spesifieke kenmerke, wat mag insluit “verbastering oor spesies, subspesies of ander erkende evolusionêre grense” en die moontlikheid dat sommige van hierdie diere mag ontsnap of in die natuur vrygelaat word.
Die regering van lande waar selektiewe teelprogramme vir wild plaasvind, word gevra om ’n strategie vir risikobeheer in te stel wanneer hierdie praktyk toegelaat word.
’n Verbod word ook gevra op doelbewuste kruisteling van groot wilde soogdiere oor alle spesies en subspesies heen, asook op die vrylating van sulke diere in die natuur.
Die IUCN waarsku ook dat dit noodsaaklik is vir lande om wettige raamwerke te ontwikkel om die impak van hierdie teelprogramme te monitor en te reguleer.
Die organisasie moedig die kommersiële wildbedryf aan om die potensiële risiko’s verbonde aan intensiewe teelproramme te erken en om saam met regerings en ander belanghebbendes te werk om die risiko’s te verminder.
Die SAJWV waarsku al geruime tyd dat die teel van kleurvariante Suid-Afrika se aansien as internasionale jag- en ekotoerismebestemming ongekende skade kan berokken weens buitelanders se persepsie oor diere wat in kunsmatige omstandighede geteel word.
Die vereniging het onlangs sy stem dik gemaak toe die departement van landbou, bosbou en visserye ’n lys in die Staatskoerant gepubliseer het waarvolgens wildboere voortaan met 12 wildsbokspesies kan teel soos met mak plaasdiere soos skape of beeste geteel kan word. Volgens Nel is hierdie besluit eensydig geneem sonder behoorlike inspraak deur wildbewaringsgroepe.
“As dit deurgevoer word, gaan Suid-Afrika sy natuurlike erfenis prysgee,” sê Nel.
Sy wys ook daarop dat die insluiting van wildspesies in die Wet op Diereverbetering strydig sal wees met die IUCN se mosie wat vandeesmaand aanvaar is.
Die SAJWV het die departement van omgewingsake genader oor die moontlikheid om die IUCN se mosie te aanvaar en toe te pas, maar volgens Nel het hulle nog nie terugvoering ontvang nie.
Die SAJWV wag ook steeds op terugvoering van die departement van landbou, bosbou en visserye en die departement omgewingsake oor die byvoeging van die 12 wildspesies tot die lys van mak diere. Dié wet val onder die beheer van die departement van landbou, bosbou en visserye, maar wetgewing oor wilde diere is die departement van omgewingsake se verantwoordelikheid. -Netwerk24
Kommentaar
Republikein
Geen kommentaar is op hierdie artikel gelaat nie