Tiener-vliegfoendies land in Windhoek

Vier avontuurlustige Suid-Afrikaanse tieners het gister met hul selfgeboude Sling-4 ligte vliegtuig op Windhoek se Eros-lughawe geland en leerlinge van Windhoek Gimnasium daarná toegespreek. Hulle het Saterdag van Kaapstad na Lüderitz gevlieg en toe na Sossusvlei. Die vier is deel van 'n span van 20 tieners wat beurte sal maak om die vliegtuig, wat gewone motorbrandstof gebruik, op sy nooiensvaart oraloor Afrika te neem. Die span het die vliegtuig in slegs twee weke onder toesig van gekwalifiseerde fabriekspersoneel van Suid-Afrika se Airplane Factory, U-Dream Global-mentors, asook spanleiers van Denel Aviation gebou. Hul beplande roete strek oor een maand van Kaapstad tot Kaïro en weer terug. Van links is Driaan van den Heever, Megan Werner (stigter van U-Dream Global), Agnes Keamogetswe Seemela en Abel Dlamini op Eros-lughawe. Foto Facebook/Shabach Aviation