Trein ontspoor, 127 dood

''n Treinongeluk naby Pukhrayan in noordelike Indië het die lewe van meer as 127 mense geëis en meer as 150 passasiers is beseer. Die trein het omstreeks 03:10 Sondag ontspoor toe dit tussen Indore en Patna onderweg was. Reddingswerkers het gister hul soektog na oorlewendes tussen die 14 trein­wawrakke afgehandel. Volgens ''n Indiese regeringsverslag sterf 15 000 mense jaarliks in treinongelukke. Die grootste treinongeluk was in 1981 toe ''n passasierstrein in die Baghmatirivier in noordelike Indië geval het en byna 800 mense dood is. Foto Nampa/Reuters