Tsumeb-vroue ploeg terug

Die SPA Woman Who Cares-stigting op Tsumeb het die afgelope Saterdag 'n uitreikaksie by dié Noordedorp se asgate gehou. Die stigting bestaan uit ses vroue uit verskillende agtergronde wat die gemeenskap wil dien. "As 'n niewinsgewende organisasie doen ons dit om terug in die gemeenskap te ploeg," lui 'n nuusverklaring van die stigting.Die vroue het 'n geskenkpak met kruideniersware vir 'n week aan 120 gesinne geskenk, asook 'n gekookte maaltyd en geskenkpakkie vir kinders. "Met ons besoek aan die asgate het ons gesien hoe mense met niks oorleef. Ons het gesprekke met van die inwoners gehad en hulle gevra hoe hulle in die reënseisoen oorleef. Van hulle vind onder plastieksakke of karton skuiling," sê me. Carlita Albertse, lid van die stigting. “Van die vroue is net vel en been, maar borsvoed hul babas. Van die kinders kan nie onthou wanneer laas hulle 'n behoorlike maaltyd gehad het nie.”Albertse sê die asgate is nie geskik vir menslike huisvesting nie, maar die bewoners daarvan het geen ander heenkome nie."Ons besoek aan die asgate het ons weer eens laat besef hoe dankbaar ons moet wees, mekaar moet waardeer, nie alles vanselfsprekend moet aanvaar nie en moet deel."Hulle bedank die volgende borge wat tot die fonds bygedra het om die geskenkpakke te koop: Mnre. Godwin Walters van Polar Shop in Windhoek, Borris Allbertse van Polar Shop op Tsumeb, Warren Ockhuys van Kestrel Logistics, mnr. Johan van Wyk van Windhoek en sy vrou, mnr. AB en me. Lauren Coetzee van Swakopmund, Woermann Brock op Tsumeb, mnr. Brethwan en me. Marietha Waterboer van Tsumeb, mnr. Heimo en me. Jenny Fisch van Tsumeb, mnr. Vincent en me. Rochelle Louw van Tsumeb, mnr. David en me. Alice Olivier van Tsumeb, mnr. Leon en me. Fila Routh van Tsumeb, mnr. Colin en me. Renchia de Wee van Tsumeb, mnr. Christo en me. Rochelle Barry van Langstrand, mnr. Romano en me. Gabby O’Brien van Tsumeb, mnr. Fritz en me. Evelyn Nitschke van Tsumeb, me. Nadine Silver van Ear Institute op Tsumeb, mnr. Karel en me. Sylvia Majiedt van Swakopmund, mnr. Henry en me. Glynith Pienaar van Strandfontein, Suid-Afrika, mnr. Donovan en me. Lizelle Plaatjes van Tsumeb, mnr. William en me. Thea Bosch van Farmhouse Deli op Tsumeb, mnr. Sakarias Kadila van Moscow Investments cc. op Tsumeb, mnr. en me. Carlo Louw van Windhoek, me. Charlene Willemse van Johannesburg, Suid-Afrika, Metro Tsumeb, Welwitschia Insurance Brokers Tsumeb en me. Shaheen Emamdien van Tsumeb Motor Club.

Tsumeb-vroue ploeg terug

Kommentaar

Republikein 2025-04-04

Meld asseblief aan om kommentaar te lewer

Tsumeb-vroue ploeg terug

Kommentaar

Republikein 2025-04-04

Meld asseblief aan om kommentaar te lewer

MELD AAN

Advertensie