TUN bekommerd oor onderwyswetsontwerp

Augetto GRaig - Die Namibiese Onderwysersunie (TUN) se sekretaris-generaal, mnr. Mahongora Kavihuha, het vanoggend by die vakbond se laaste amptelike nuuskonferensie vir die jaar gesê die voorsitter van die Nasionale Raad (NR) is genader om die aanpassing van die wetsontwerp op onderwys eers vir openbare insette beskikbaar te maak voor dit goedgekeur word.

Volgens Kavihuha is die wetsontwerp, wat onder meer oor gratis onderwys gaan, vol teenstrydighede.

Die NR sal van Maandag tot Donderdag volgende week sit om dié wetsontwerp, asook 'n wetsontwerp op stedelike en streeksbeplanning, en 'n wetsontwerp op die bekamping van mensehandel, te bespreek.