Tura in taai stryd met BA gewikkel
Sokker
Tielman van Lill
Young African van Gobabis wat verlede Saterdag die 2017 Debmarine-beker teen Mighty Gunners van Otjiwarongo gewen het, is ná sy onlangse gelykop uitslag teen FNB Black Africa (BA) selfs nog beter op die 2017/18 MTC Namibiese Premierliga (NPL) ligaleer geplaas.
African wat in sy eerste NPL-seisoen windmakerig saam met die voorste klubs in dié kompetisie gesels, het BA Dinsdagaand in Windhoek tot 0 - 0 beperk om op 18 ligapunte kop-aan-kop te lê. Dit is egter BA se positiewe doelverskil van ses wat hom in die vierde plek ná Tura Magic (eerste, 28 punte, + 8 doele) en African Stars (tweede, 27 punte, + 14 doele) hou. Die vyfde plek behoort aan African wat ‘n positiewe doelverskil van twee het.
Die eerste botsing van Ronde 11 is reeds Woensdag by die Sam Nujoma-stadion afgehandel waar Unam vir FNB Orlando Pirates 1-0 geklop het terwyl Tura Magic en African Stars mekaar reeds gisteraand in die tweede wedstryd by die Sam Nujoma-stadion in Katutura gepak het.
Intussen het Woody Jacobs, hoofafrigter van Pirates, besluit om sy gewig agter die sukkelende span van Tigers in te gooi nadat Ivan Namaseb, waarnemende afrigter, vir ‘n geruime tyd reeds aan die stuur van sake was.
Jacobs het vandeesweek sy bedanking ingedien wat die bestuur sonder om te kibbel aanvaar het. Hy was sedert September 2016 met ‘n tweejaarkontrak deel van Pirates se afrigtingskorps gewees waar hy hard gespook het om spelers te verenig. Jacobs het met die 2014/15-seisoen die NPL-kroon as breier van BA opgeraap. Namaseb sal voorlopig die Seerowers afrig.
Voorste puntemakers
Die tien voorste doelskieters in die NPL vanjaar is Nekundi Panduleni (African Stars) 8. Keimuine Itamunua (Tura Magic) 7. Useb Kleopas (Life Fighters) 6. Emilio Martin (BA), Hasipala Ndamwena (Blue Waters), Roger Katjiteo (Tigers), Josef Nghifindwako (Eleven Arrows), Salomon Omseb (Chief Santos) en Theophilus Nandjambo (Tura Magic) almal 5. Diego Descande (Civics) 4.
NPL-punteleer
Tura Magic 28 punte (+8: 11 wedstryde). 2. African Stars 27 (+14: 11w). 3. Unam 19 (+3: 11w). 4. BA 18 (+6:11w). 5. Young African 18 (+2: 11w). 6. Blue Waters 16 (+4: 11w). 7. Pirates 15 (+1: 11w). 8. Life Fighters 13 (-7: 11w). 9. Arrows 12 (-3: 11w). 10. Civics 11 (0: 11w). 11. Santos 11 (-9: 11w). 12. Tigers 10 (-1: 9w). 13. Gunners 10 (-2: 11w). 14. Rundu Chiefs 10 (-4: 10w). 15. Citizens 10 (-4: 10w). Young Chiefs 5 (-8: 11w).
Young African van Gobabis wat verlede Saterdag die 2017 Debmarine-beker teen Mighty Gunners van Otjiwarongo gewen het, is ná sy onlangse gelykop uitslag teen FNB Black Africa (BA) selfs nog beter op die 2017/18 MTC Namibiese Premierliga (NPL) ligaleer geplaas.
African wat in sy eerste NPL-seisoen windmakerig saam met die voorste klubs in dié kompetisie gesels, het BA Dinsdagaand in Windhoek tot 0 - 0 beperk om op 18 ligapunte kop-aan-kop te lê. Dit is egter BA se positiewe doelverskil van ses wat hom in die vierde plek ná Tura Magic (eerste, 28 punte, + 8 doele) en African Stars (tweede, 27 punte, + 14 doele) hou. Die vyfde plek behoort aan African wat ‘n positiewe doelverskil van twee het.
Die eerste botsing van Ronde 11 is reeds Woensdag by die Sam Nujoma-stadion afgehandel waar Unam vir FNB Orlando Pirates 1-0 geklop het terwyl Tura Magic en African Stars mekaar reeds gisteraand in die tweede wedstryd by die Sam Nujoma-stadion in Katutura gepak het.
Intussen het Woody Jacobs, hoofafrigter van Pirates, besluit om sy gewig agter die sukkelende span van Tigers in te gooi nadat Ivan Namaseb, waarnemende afrigter, vir ‘n geruime tyd reeds aan die stuur van sake was.
Jacobs het vandeesweek sy bedanking ingedien wat die bestuur sonder om te kibbel aanvaar het. Hy was sedert September 2016 met ‘n tweejaarkontrak deel van Pirates se afrigtingskorps gewees waar hy hard gespook het om spelers te verenig. Jacobs het met die 2014/15-seisoen die NPL-kroon as breier van BA opgeraap. Namaseb sal voorlopig die Seerowers afrig.
Voorste puntemakers
Die tien voorste doelskieters in die NPL vanjaar is Nekundi Panduleni (African Stars) 8. Keimuine Itamunua (Tura Magic) 7. Useb Kleopas (Life Fighters) 6. Emilio Martin (BA), Hasipala Ndamwena (Blue Waters), Roger Katjiteo (Tigers), Josef Nghifindwako (Eleven Arrows), Salomon Omseb (Chief Santos) en Theophilus Nandjambo (Tura Magic) almal 5. Diego Descande (Civics) 4.
NPL-punteleer
Tura Magic 28 punte (+8: 11 wedstryde). 2. African Stars 27 (+14: 11w). 3. Unam 19 (+3: 11w). 4. BA 18 (+6:11w). 5. Young African 18 (+2: 11w). 6. Blue Waters 16 (+4: 11w). 7. Pirates 15 (+1: 11w). 8. Life Fighters 13 (-7: 11w). 9. Arrows 12 (-3: 11w). 10. Civics 11 (0: 11w). 11. Santos 11 (-9: 11w). 12. Tigers 10 (-1: 9w). 13. Gunners 10 (-2: 11w). 14. Rundu Chiefs 10 (-4: 10w). 15. Citizens 10 (-4: 10w). Young Chiefs 5 (-8: 11w).
Kommentaar
Republikein
Geen kommentaar is op hierdie artikel gelaat nie