Twaalf leerlingdokters in Kunenestreek ontplooi

Twaalf mediese gegradueerdes van internasionale universiteite is in die Kunenestreek ontplooi om in die stryd teen Covid-19 te help. Volgens die streek se direkteur van gesondheid mnr. Thomas Shapumba het die gegradueerdes in China, Rusland en Oekraïne studeer. Hulle sal diens by die drie distrikshospitale op Outjo, Opuwo en Khorixas verrig.
Volgens Shapumba is die isolasiegeriewe by die distrikshospitaal in Opuwo byna voltooi en sal soortgelyke geriewe by die hospitale op Outjo en Khorixas opgerig word.