Twee vas vir gewapende roof by inkoopsentrum

Twee verdagtes is gisteraand deur die Namibiese polisie vasgetrek, ná 'n gewapende rooftog gisteroggend by die Maerua-inkoopsentrum in Windhoek. ’n Jong vrou (27) is tydens die voorval van N$162 000 kontant beroof. Volgens die polisie is N$18 000 tot dusver teruggevind. Die vrou het omstreeks 10:23 saam met ’n Kubaanse sakekollega na die sentrum gegaan om kontant vir ’n besigheid te deponeer. Vier mans met swart kappies (hoodies) en maskers het hulle by een van die ingange aangeval. Een verdagte het ’n vuurwapen gehad en ’n skoot is afgevuur. Twee verdagtes is nog op vrye voet en die ondersoek duur voort.