Twee voorlopig tronk toe
Twee van die vier verdagtes in die terreuraanval in Barcelona word voorlopig op aanklagte van lidmaatskap van ’n terroristeorganisasie en moord vervolg.
’n Spaanse hooggeregshof het Dinsdag twee verdagtes in verlede week se terreuraanval met twee paneelwaens in die Katalaanse hoofstad van Barcelona voorlopig tronk toe gestuur.
Mohamed Houli Chemlal (21) en Driss Oukabir (27), twee van die vier verdagtes in die terreuraanval, word voorlopig op aanklagte van lidmaatskap van ’n terroristeorganisasie en moord vervolg.
Salh El Karib (34), die eienaar van ’n internetkafee in die dorpie Ripoll, waar meeste van die verdagtes wat by die aanval betrek word uitgehang het, sal volgens Reuters in aanhouding bly totdat die polisieondersoek na die voorval afgehandel is.
Mohamed Aalla (27), die vierde verdagte wat aangekla is, is intussen op borgtog vrygelaat.
The Independent berig Chemlal het Dinsdag in die hooggeregshof beken hy was deel van ’n Islamietiese terreursel. Die groep het glo beplan om honderde mense by Spaanse monumente, insluitend die historiese Sagrada Familia-katedraal in Barcelona, met tuisgemaakte plofstof af te maai.
Altesame 15 mense is in die aanval verlede week dood en 130, insluitend twee polisiebeamptes, beseer.
Oukabir ontken hy het enige rol in die aanval gespeel.
Die hofverrigtinge het ingevolge Spaanse wetgewing agter geslote deure plaasgevind.
Staatsaanklaers het oorspronklik gevra al vier moet op voorlopige aanklagtes van betrokkenheid by ’n terreurorganisasie, moord en die gebruik van plofstof om verwoesting te saai, borgtog geweier moet word.
Regter Fernando Andreu het egter beslis daar is slegs genoeg bewyse om Chemal en Oukabir voorlopig aan te kla dat hulle opsetlik deel van ’n terreurorganisasie was wat massaslagting en beserings wou veroorsaak.
El Karib sal vir 72 uur in aanhouding bly totdat die polisieondersoek na die voorval afgehandel is.
Andreu het beslis die bewyse teen Aalla, wie se voertuig in die aanval gebruik is, is nie voldoende om borgtogaansoek te weier nie.
Chemlal is tot dusver die enigste verdagte wat openlik sy bande met die terreursel verklaar het. Volgens bronne na aan die ondersoek het hy voor die hof getuig die groep wou monumente in Barcelona tydens die toeristeseisoen in ’n veel groter aanval teiken. - Netwerk24
Mohamed Houli Chemlal (21) en Driss Oukabir (27), twee van die vier verdagtes in die terreuraanval, word voorlopig op aanklagte van lidmaatskap van ’n terroristeorganisasie en moord vervolg.
Salh El Karib (34), die eienaar van ’n internetkafee in die dorpie Ripoll, waar meeste van die verdagtes wat by die aanval betrek word uitgehang het, sal volgens Reuters in aanhouding bly totdat die polisieondersoek na die voorval afgehandel is.
Mohamed Aalla (27), die vierde verdagte wat aangekla is, is intussen op borgtog vrygelaat.
The Independent berig Chemlal het Dinsdag in die hooggeregshof beken hy was deel van ’n Islamietiese terreursel. Die groep het glo beplan om honderde mense by Spaanse monumente, insluitend die historiese Sagrada Familia-katedraal in Barcelona, met tuisgemaakte plofstof af te maai.
Altesame 15 mense is in die aanval verlede week dood en 130, insluitend twee polisiebeamptes, beseer.
Oukabir ontken hy het enige rol in die aanval gespeel.
Die hofverrigtinge het ingevolge Spaanse wetgewing agter geslote deure plaasgevind.
Staatsaanklaers het oorspronklik gevra al vier moet op voorlopige aanklagtes van betrokkenheid by ’n terreurorganisasie, moord en die gebruik van plofstof om verwoesting te saai, borgtog geweier moet word.
Regter Fernando Andreu het egter beslis daar is slegs genoeg bewyse om Chemal en Oukabir voorlopig aan te kla dat hulle opsetlik deel van ’n terreurorganisasie was wat massaslagting en beserings wou veroorsaak.
El Karib sal vir 72 uur in aanhouding bly totdat die polisieondersoek na die voorval afgehandel is.
Andreu het beslis die bewyse teen Aalla, wie se voertuig in die aanval gebruik is, is nie voldoende om borgtogaansoek te weier nie.
Chemlal is tot dusver die enigste verdagte wat openlik sy bande met die terreursel verklaar het. Volgens bronne na aan die ondersoek het hy voor die hof getuig die groep wou monumente in Barcelona tydens die toeristeseisoen in ’n veel groter aanval teiken. - Netwerk24
Kommentaar
Republikein
Geen kommentaar is op hierdie artikel gelaat nie