Twyfel of Trump en Kim gaan praat
Te midde van harde retoriek uit Pjongjang en kommer oor die agenda van die beraad tussen pres. Donald Trump van die VSA en die Noord-Koreaanse leier, Kim Jong-oen, is Amerikaanse amptenare en ingeligtes skepties dat dit wel sal plaasvind.
Hoewel die balsale in hotelle in Singapoer op die oomblik al vir die beraad op 12 Junie versier word, meen sommige van Amerika se pres. Donald Trump se raadgewers dat die kanse dat die vergadering wel gaan plaasvind, skraler geword, berig CNN.
Dit kom nadat Noord-Korea verlede week ’n meer onversetlike houding teenoor die VSA ingeneem het en teruggekap het oor die eis dat die land van sy kernwapens ontslae raak.
Trump is nog vuur en vlam om Kim Jong-oen, die Noord-Koreaanse leier, te ontmoet en daar is nog geen sprake dat hy die beraad wil afstel nie. Die jongste ontwikkelings skets egter nie meer so ’n rooskleurige prentjie vir die diplomatieke samesprekings tussen die twee leiers soos aanvanklik nie, berig Fox News.
Trump se administrasie is ook bekommerd dat sy gretigheid dat die beraad gehou word, Kim se hand sal versterk indien die gesprekke wel plaasvind.
Gevra of Trump sy deelname aan die beraad heroorweeg, het Steve Mnuchin, sekretaris van die tesourie, gesê hy dink nie dat die president koue voete gekry het nie.
“Die president is gereed. En dit gaan op die oomblik nog voort.”
Mike Pence, die Amerikaanse adjunkpresident, het dit egter duidelik gestel dat Trump wel van plan kan verander.
“Kim Jong-oen sal ’n groot fout begaan as hy dink hy kan Donald Trump manipuleer,” het hy aan Fox News gesê.
Volgens hom sal Trump ongetwyfeld bereid wees om die beraad te laat vaar indien sy voorwaardes nie nagekom word nie. – Netwerk24
Dit kom nadat Noord-Korea verlede week ’n meer onversetlike houding teenoor die VSA ingeneem het en teruggekap het oor die eis dat die land van sy kernwapens ontslae raak.
Trump is nog vuur en vlam om Kim Jong-oen, die Noord-Koreaanse leier, te ontmoet en daar is nog geen sprake dat hy die beraad wil afstel nie. Die jongste ontwikkelings skets egter nie meer so ’n rooskleurige prentjie vir die diplomatieke samesprekings tussen die twee leiers soos aanvanklik nie, berig Fox News.
Trump se administrasie is ook bekommerd dat sy gretigheid dat die beraad gehou word, Kim se hand sal versterk indien die gesprekke wel plaasvind.
Gevra of Trump sy deelname aan die beraad heroorweeg, het Steve Mnuchin, sekretaris van die tesourie, gesê hy dink nie dat die president koue voete gekry het nie.
“Die president is gereed. En dit gaan op die oomblik nog voort.”
Mike Pence, die Amerikaanse adjunkpresident, het dit egter duidelik gestel dat Trump wel van plan kan verander.
“Kim Jong-oen sal ’n groot fout begaan as hy dink hy kan Donald Trump manipuleer,” het hy aan Fox News gesê.
Volgens hom sal Trump ongetwyfeld bereid wees om die beraad te laat vaar indien sy voorwaardes nie nagekom word nie. – Netwerk24
Kommentaar
Republikein
Geen kommentaar is op hierdie artikel gelaat nie