Uber slaan rem aan in Quebec
Uber kry die wind al hoe meer van voor. Nie net het hy sy lisensie om in Londen, Brittanje, bedrywig te wees verloor nie, maar hy het sommer self besluit om rem in 'n Kanadese provinsie aan te slaan.
Uber sê hy onttrek eerder uit Quebec as wat hy aan nuwe beleid gaan voldoen.
Jean-Nicolas Guillemette, die maatskappy se hoofbestuurder in Quebec, sê hulle sal hul dienste op 14 Oktober beëindig.
Uber het meer as 50 kantoorwerkers en 10 000 motorbestuurders wat in dié provinsie werk.
Die maatskappy sê hy kan sy besluit heroorweeg sou die regering nuwe beleid hersien wat Vrydag in werking getree het. Uber is sedert Oktober verlede jaar daar as deel van 'n aanvoorprojek bedrywig.
“Ons het die regering gevra om die projek te verleng en of ons kan vergader om 'n oplossing te vind,” sê Guillemette.
Mathieu Gaudreault, woordvoerder van Laurent Lessard, Quebec se minister van vervoer, sê egter die provinsie gaan nie van sy nuwe reëls afsien nie.
Dié reëls vereis dat bestuurders 35 uur opleiding moet ontvang en dat die polisie moet bevestig dat hulle geen misdaadrekord het nie.
Gaudreault sê ten tyde van die aanvoorprojek is Uber-bestuurders beboet omdat hul voertuie nie gemerk was nie, hul voertuie te oud was en omdat hulle passasiers langs die pad opgelaai het. Sommige het ook 'n misdaadrekord.
“Ons kan met hulle onderhandel, maar daardie twee vereistes is ononderhandelbaar,” sê Gaudreault.
Hy sê Uber het die provinsie nagenoeg C$7 miljoen gedurende die aanvoorprojek betaal. Die geld sal gebruik word om die provinsie se taxibedryf te help moderniseer.
Taxibestuurders in Quebec is teen Uber gekant en het voorheen verkeer in die hoofstad, Montreal, as deel van protesoptogte versper. – Netwerk24/Reuters
Jean-Nicolas Guillemette, die maatskappy se hoofbestuurder in Quebec, sê hulle sal hul dienste op 14 Oktober beëindig.
Uber het meer as 50 kantoorwerkers en 10 000 motorbestuurders wat in dié provinsie werk.
Die maatskappy sê hy kan sy besluit heroorweeg sou die regering nuwe beleid hersien wat Vrydag in werking getree het. Uber is sedert Oktober verlede jaar daar as deel van 'n aanvoorprojek bedrywig.
“Ons het die regering gevra om die projek te verleng en of ons kan vergader om 'n oplossing te vind,” sê Guillemette.
Mathieu Gaudreault, woordvoerder van Laurent Lessard, Quebec se minister van vervoer, sê egter die provinsie gaan nie van sy nuwe reëls afsien nie.
Dié reëls vereis dat bestuurders 35 uur opleiding moet ontvang en dat die polisie moet bevestig dat hulle geen misdaadrekord het nie.
Gaudreault sê ten tyde van die aanvoorprojek is Uber-bestuurders beboet omdat hul voertuie nie gemerk was nie, hul voertuie te oud was en omdat hulle passasiers langs die pad opgelaai het. Sommige het ook 'n misdaadrekord.
“Ons kan met hulle onderhandel, maar daardie twee vereistes is ononderhandelbaar,” sê Gaudreault.
Hy sê Uber het die provinsie nagenoeg C$7 miljoen gedurende die aanvoorprojek betaal. Die geld sal gebruik word om die provinsie se taxibedryf te help moderniseer.
Taxibestuurders in Quebec is teen Uber gekant en het voorheen verkeer in die hoofstad, Montreal, as deel van protesoptogte versper. – Netwerk24/Reuters
Kommentaar
Republikein
Geen kommentaar is op hierdie artikel gelaat nie