Uhlenhorst is vanjaar se bobaasbraaiers
Francoise Steynberg
Uhlenhorst Boerevereniging (BV) is Saterdagaand 30 Maart by die Windhoek Braaifees vir die vyfde keer as die Namibië Landbou-unie (NLU) Agribraai-kampioene gekroon.
Uhlenhorst BV het ook met die louere in 1984, 1991, 2013 en 2016 weggestap. Boonop herdenk Uhlenhorst BV in 2020 sy 90ste bestaansjaar en dan sal dit ook die 40ste boerebraaikompetisie in die geskiedenis wees.
Die nege boereverenigings wat sake rondom die kole uitgespook het om die sappigste skaaprib te braai, was Uhlenhorst, Aroab, Kalahari-Oos, Omuramba, Okahandja, Rehoboth, Koës, Steinhausen en Witvlei.
Aroab BV, 2012 se braaikampioene, is as algehele naaswenners aangewys en Omuramba BV was in die derde plek.
Altesaam 15 sosiale spanne het deelgeneem, met Deck of Cards wat met die wentjek van N$10 000 weggestap het. In die tweede plek was Zesty Lemons wat N$6 000 gewen het, en derde was FNB Namibia met prysgeld van N$4 000.
Die wenners van die sosiale spanne het aangedui hulle gaan hul prysgeld ten bate van droogtehulp skenk.
Volgende jaar gaan 'n groot geskiedkundige feesviering by Uhlenhorst wees, veral met hul boerevereniging se 90ste bestaansjaar en die 40ste braaikompetisie.
Uhlenhorst Boerevereniging (BV) is Saterdagaand 30 Maart by die Windhoek Braaifees vir die vyfde keer as die Namibië Landbou-unie (NLU) Agribraai-kampioene gekroon.
Uhlenhorst BV het ook met die louere in 1984, 1991, 2013 en 2016 weggestap. Boonop herdenk Uhlenhorst BV in 2020 sy 90ste bestaansjaar en dan sal dit ook die 40ste boerebraaikompetisie in die geskiedenis wees.
Die nege boereverenigings wat sake rondom die kole uitgespook het om die sappigste skaaprib te braai, was Uhlenhorst, Aroab, Kalahari-Oos, Omuramba, Okahandja, Rehoboth, Koës, Steinhausen en Witvlei.
Aroab BV, 2012 se braaikampioene, is as algehele naaswenners aangewys en Omuramba BV was in die derde plek.
Altesaam 15 sosiale spanne het deelgeneem, met Deck of Cards wat met die wentjek van N$10 000 weggestap het. In die tweede plek was Zesty Lemons wat N$6 000 gewen het, en derde was FNB Namibia met prysgeld van N$4 000.
Die wenners van die sosiale spanne het aangedui hulle gaan hul prysgeld ten bate van droogtehulp skenk.
Volgende jaar gaan 'n groot geskiedkundige feesviering by Uhlenhorst wees, veral met hul boerevereniging se 90ste bestaansjaar en die 40ste braaikompetisie.
Kommentaar
Republikein
Geen kommentaar is op hierdie artikel gelaat nie