Uit 1 345 weefselmonsters toets 45 positief vir Covid-19

Uit 1 345 weefselmonsters wat getoets is, het 45 positief vir Covid-19 getoets. Volgens die uitvoerende direkteur van die ministerie van gesondheid en maatskaplike dienste, mnr. Ben Nangombe, is 18 mans en 27 vroue. Die jongste is vier jaar oud en die oudste 75 jaar oud. Uit die 45 nuwe gevalle is 25 in Windhoek, vyf in Otjiwarongo, twee elk in onderskeidelik Grootfontein, Swakopmund, Walvisbaai, Oshakait, Eenhana en Outapi en een elk in onderskeidelik Onandjokwe, Rehoboth en Rundu aangeteken. Drie van die gevalle in Otjiwarongo is van die Osire-vlugtelingskamp.

Volgens Nangombe het nog 10 mense herstel wat die totaal op 9 817 te staan bring. Dit sluit vyf in Omaheke, vier in //Kharas en een in Ohangwena in.

Die aktiewe gevalle staan tans op 1 991. Hiervan is sewe in 'n baie ernstige of kritieke toestand. Dit sluit een baie ernstige en twee kritieke gevalle in Erongo en een baie ernstige en drie kritieke gevalle in Khomas in.

Die Covid-19-verwante sterftesyfer staan steeds op 128, huidig word 7 648 kontakte gemonitor en tot op hede is 109 829 weefselmonsters getoets. Tans is 1 061 mense in kwarantyngeriewe oraloor in die land.