Unam wen, maar United bly voor
Klubrugby
Andrew Poolman - Trustco United se voorsprong op die puntelys van die NRU premierliga het Saterdag sonder sweet aangegroei, toe Reho Falcon nie vir die kragmeting in Olympia sy opwagting gemaak het nie.
Die onttrekking bring mee dat United die volle maksimum van es ligapunte op ’n skinkbord ontvang het.
• Die naweek se mees kompeterende wedstryd in die premierliga was toe FNB Western Suburbs met 25-22 die knoop deurgehaak het teen ’n moedige tuisspan, Rehoboth-rugbyklub.
Vir die Khomasdallers het linkervleuel Nikin Cloete (2) en agtsteman Mogamat Emamdien die drieë gedruk, waarvan een deur Justin Nel verdoel is. Die losskakel se drie strafdoele was uiteindelik beslissend.
Drie spelers wat vanjaar op provinsiale vlak vir die Windhoek Draught Welwitschias gespeel het, was die driedrukkers vir Rehoboth, naamlik senter Henrique Olivier, vleuel Paulus Hangula en flank Jeandre Cloete. Olivier was met twee doelskoppe en ’n strafdoel in die kol.
• FNB Unam het na die tweede posisie opbeweeg te danke aan sy tuisoorwinning met 47-30 (rustyd 19-10) teen Kudus.
Die Walvisbaaiers het soms hulself onder druk geplaas met selfmoordaangeë en kon dalk met ’n meer beheersde vertoning vir langer tye druk op die studentespan geplaas het.
Vir die wenspan het flank Berry Gande, vleuels Chad Plato en Shareave Titus sy drieë voor rustyd gedruk, wat deur vyfpunters deur slot Rheinhardt Carelse (2), heelagter Lorenzo Louis en senter Paolo Andrews gevolg is.
Aan Kudus se kant het senter Chess Lawrence, stut Antonio Hoabeb en die plaasvervanger Codey Naholo sy drieë gedruk. Die skoppunte het van losskakel Ulriato Lawrence en heelagter Aurelio Plato gekom.
Die onttrekking bring mee dat United die volle maksimum van es ligapunte op ’n skinkbord ontvang het.
• Die naweek se mees kompeterende wedstryd in die premierliga was toe FNB Western Suburbs met 25-22 die knoop deurgehaak het teen ’n moedige tuisspan, Rehoboth-rugbyklub.
Vir die Khomasdallers het linkervleuel Nikin Cloete (2) en agtsteman Mogamat Emamdien die drieë gedruk, waarvan een deur Justin Nel verdoel is. Die losskakel se drie strafdoele was uiteindelik beslissend.
Drie spelers wat vanjaar op provinsiale vlak vir die Windhoek Draught Welwitschias gespeel het, was die driedrukkers vir Rehoboth, naamlik senter Henrique Olivier, vleuel Paulus Hangula en flank Jeandre Cloete. Olivier was met twee doelskoppe en ’n strafdoel in die kol.
• FNB Unam het na die tweede posisie opbeweeg te danke aan sy tuisoorwinning met 47-30 (rustyd 19-10) teen Kudus.
Die Walvisbaaiers het soms hulself onder druk geplaas met selfmoordaangeë en kon dalk met ’n meer beheersde vertoning vir langer tye druk op die studentespan geplaas het.
Vir die wenspan het flank Berry Gande, vleuels Chad Plato en Shareave Titus sy drieë voor rustyd gedruk, wat deur vyfpunters deur slot Rheinhardt Carelse (2), heelagter Lorenzo Louis en senter Paolo Andrews gevolg is.
Aan Kudus se kant het senter Chess Lawrence, stut Antonio Hoabeb en die plaasvervanger Codey Naholo sy drieë gedruk. Die skoppunte het van losskakel Ulriato Lawrence en heelagter Aurelio Plato gekom.
Kommentaar
Republikein
Geen kommentaar is op hierdie artikel gelaat nie