United en Welwitschias maklike prooi
Die lae kolftotale vir die twee tuisspanne het hulle lammers ter slagting gemaak.
Tielman van Lill
Die eerste twee 50-boulbeurt premierligawedstryde in die tweede ronde van Krieket Namibië se 2019-'20-seisoen is Saterdagoggend in Windhoek en op Walvisbaai afgehandel.
In Windhoek het WHS Old Boys vir Trustco United op Gemsbokpark in Olympia in 'n eensydige kragmeting met tien paaltjies geklop.
By die Sparta-sportklub by die kus het Samsung FNB Wanderers se oorwinning met nege paaltjies ewe gemaklik teen die voorloper, MR24/7 Welwitschias gekom.
United wat die loot gewen en eerste gekolf het, kon net 96 lopies almal uit (se viere, een ses) in 28.2 boulbeurte bymekaar skraap, waarna Old Boys met 98 sonder verlies (8x4, 6x6) in net 8.4 bb geantwoord het.
Die 96 het 30 ekstras ingesluit waaronder 22 wydlopers en vyf foutballe getel het. Sulke ongedissiplineerde boulwerk kan selfs die uiteindelike wenspan WHS nie juis bekostig nie.
United se topkolwers was Hendrik van der Walt (16 lopies), Darren van Dyk (16) en Dewald Nell (14), die enigstes wat dubbelsyfers kon aanteken.
Van der Walt teken sy 16 van 50 aflewerings aan (2x4, gevang Riaan Minnie, geboul Gerhard Erasmus), terwyl Van Dyk sy 16 (1x4, 1x6, gevang Tangeni Lungameni, geboul Gerhard Thirion) van 26 balle slaan. Nell (2x4) op nommer nege probeer vir oulaas vir Erasmus aanvat, maar word ook deur Minnie uitgevang.
Tino Chiwara (0), Wian van Vuuren (1), Danie van Schoor (0), Nyashadzaishe Nyasha (8*), Melt van Schoor (1), Henry Heyns (2), Jan-Ivan van Dyk (3), Wouter Venter (5) sukkel op 'n moeilike kolfblad wat vol streke was.
Vir Old Boys slaan Gerhard Erasmus in 8 boulbeurte toe om 3/20 teen 2.5 te vat, terwyl Gerhard Thirion in 4 bb met 3/19 ewe dodelik was. Minnie (6 bb, 2/13) benut ook twee vangkanse, maar Melrich Robyn is met 1.7 (1/4 in 2.2 bb) die mees ekonomiese bouler.
Vir Old Boys se oorwinning benodig hy slegs die bydraes van Zane Green (56*, 27 b, 5x4, 4x6) en Wimpie Viljoen (34* van 26 b, 3x4, 2x6) om sy eerste sege vir 2020 te behaal.
WANDERERS VERNIEL
WELWITSCHIAS
Die gasheerkaptein voorspel die opskiet van die munt korrek en besluit om eerste te kolf, maar sy span word vir 73 in 37 boulbeurte ontnugter. Die Welwitschias se nederige poging sluit net twee viere en twee sesse in.
Die aanvangskolwer Scott Winborn (18 van 34 b, 1x4, 1x6, been voor paaltjie Bernard Scholtz) en Nian Grobler op nommer drie (16 van 50 b, 1x4, 1x6, gevang Nicolaas Scholtz, geboul Karl Birkenstock) is uiteindelik die kusspan se beste kolwers.
Lauritz Haccou (1), Gerrie Snyman (8), Matthew de Gouveia (4), Shalako Groenewald (2), Reynard van Zyl (1), Ettienne Beukes (0), Mauritius Ngupita (0), Herman Karsten (3) en Matthew Stander (1*) lewe swaar onder die aanslag van die Wit Hingste se boulaanval.
Vir Wanderers maai Jan Frylinck (4/14 in 10 bb), Karl Birkenstock (3/13 in 8 bb), JJ Smit (2/17 in 7 bb) en Bernard Scholtz (1/18 in 5 bb) onder die Welwitschia-kolwers.
Die Windhoekers se aanvangskolwer JC Balt (6, 22 b, uitgehardloop deur Reynard van Zyl) is die besoekers se enigste kolwer wat uitgehaal word.
Wessel Myburgh (23* van 32 b, 1x4, 1x6) en Michau du Preez (32* van 17 b, 2x4, 3x6) wend die wilgerlat kwistig aan om Wanderers se wentelling op 74/1 te bereik.
• Twee wedstryde is vir komende Saterdag geskeduleer, naamlik CCD Tigers teen die Welwitchias by CCD, asook WHS Old Boys teen Wanderers by die WHS-veld.
- [email protected]
Die eerste twee 50-boulbeurt premierligawedstryde in die tweede ronde van Krieket Namibië se 2019-'20-seisoen is Saterdagoggend in Windhoek en op Walvisbaai afgehandel.
In Windhoek het WHS Old Boys vir Trustco United op Gemsbokpark in Olympia in 'n eensydige kragmeting met tien paaltjies geklop.
By die Sparta-sportklub by die kus het Samsung FNB Wanderers se oorwinning met nege paaltjies ewe gemaklik teen die voorloper, MR24/7 Welwitschias gekom.
United wat die loot gewen en eerste gekolf het, kon net 96 lopies almal uit (se viere, een ses) in 28.2 boulbeurte bymekaar skraap, waarna Old Boys met 98 sonder verlies (8x4, 6x6) in net 8.4 bb geantwoord het.
Die 96 het 30 ekstras ingesluit waaronder 22 wydlopers en vyf foutballe getel het. Sulke ongedissiplineerde boulwerk kan selfs die uiteindelike wenspan WHS nie juis bekostig nie.
United se topkolwers was Hendrik van der Walt (16 lopies), Darren van Dyk (16) en Dewald Nell (14), die enigstes wat dubbelsyfers kon aanteken.
Van der Walt teken sy 16 van 50 aflewerings aan (2x4, gevang Riaan Minnie, geboul Gerhard Erasmus), terwyl Van Dyk sy 16 (1x4, 1x6, gevang Tangeni Lungameni, geboul Gerhard Thirion) van 26 balle slaan. Nell (2x4) op nommer nege probeer vir oulaas vir Erasmus aanvat, maar word ook deur Minnie uitgevang.
Tino Chiwara (0), Wian van Vuuren (1), Danie van Schoor (0), Nyashadzaishe Nyasha (8*), Melt van Schoor (1), Henry Heyns (2), Jan-Ivan van Dyk (3), Wouter Venter (5) sukkel op 'n moeilike kolfblad wat vol streke was.
Vir Old Boys slaan Gerhard Erasmus in 8 boulbeurte toe om 3/20 teen 2.5 te vat, terwyl Gerhard Thirion in 4 bb met 3/19 ewe dodelik was. Minnie (6 bb, 2/13) benut ook twee vangkanse, maar Melrich Robyn is met 1.7 (1/4 in 2.2 bb) die mees ekonomiese bouler.
Vir Old Boys se oorwinning benodig hy slegs die bydraes van Zane Green (56*, 27 b, 5x4, 4x6) en Wimpie Viljoen (34* van 26 b, 3x4, 2x6) om sy eerste sege vir 2020 te behaal.
WANDERERS VERNIEL
WELWITSCHIAS
Die gasheerkaptein voorspel die opskiet van die munt korrek en besluit om eerste te kolf, maar sy span word vir 73 in 37 boulbeurte ontnugter. Die Welwitschias se nederige poging sluit net twee viere en twee sesse in.
Die aanvangskolwer Scott Winborn (18 van 34 b, 1x4, 1x6, been voor paaltjie Bernard Scholtz) en Nian Grobler op nommer drie (16 van 50 b, 1x4, 1x6, gevang Nicolaas Scholtz, geboul Karl Birkenstock) is uiteindelik die kusspan se beste kolwers.
Lauritz Haccou (1), Gerrie Snyman (8), Matthew de Gouveia (4), Shalako Groenewald (2), Reynard van Zyl (1), Ettienne Beukes (0), Mauritius Ngupita (0), Herman Karsten (3) en Matthew Stander (1*) lewe swaar onder die aanslag van die Wit Hingste se boulaanval.
Vir Wanderers maai Jan Frylinck (4/14 in 10 bb), Karl Birkenstock (3/13 in 8 bb), JJ Smit (2/17 in 7 bb) en Bernard Scholtz (1/18 in 5 bb) onder die Welwitschia-kolwers.
Die Windhoekers se aanvangskolwer JC Balt (6, 22 b, uitgehardloop deur Reynard van Zyl) is die besoekers se enigste kolwer wat uitgehaal word.
Wessel Myburgh (23* van 32 b, 1x4, 1x6) en Michau du Preez (32* van 17 b, 2x4, 3x6) wend die wilgerlat kwistig aan om Wanderers se wentelling op 74/1 te bereik.
• Twee wedstryde is vir komende Saterdag geskeduleer, naamlik CCD Tigers teen die Welwitchias by CCD, asook WHS Old Boys teen Wanderers by die WHS-veld.
- [email protected]
Kommentaar
Republikein
Geen kommentaar is op hierdie artikel gelaat nie