United slaag Grootfontein-toets
Rugby
Andrew Poolman – FNB Grootfontein-rugbyklub se vriendskaplike opwarmwedstryd Saterdag teen die heersende titelhouer Trustco United het gewys die noordespan is slaggereed om hom vanjaar tydens sy promosie na die NRU premierliga behoorlik te laat geld.
Die Grootfonteiners was rustyd met 5-0 voor en ná ’n aksiebelaaide tweede helfte het United met 19-12 voor geëindig toe skeidsregter Stephan Kellerman sy eindfluitjie geblaas het.
Die opbou na die enigste punte van die eerste helfte was toe Grootfontein se flank en kaptein Wikus Jacobs op tipiese wyse deur die middelveld gebreek het. Die onverdoelde drie is afgerond deur Pieter-Daan Kok, ’n aanwins op slot vir die noordespan wat tot in sy matriekjaar vir Tsumeb Gimnasium prominent was.
Kort ná rustyd het United teruggeslaan toe hy Grootfontein gedwing het tot ’n skrumvoer op sy eie doellyn. Die bal het egter aan die blou kant uitgekom en agtsteman Dean Blom is reguit onder die pale deur. Riaan van Zyl het verdoel.
Van Zyl, terug van sy tyd van klubrugby in Rusland, was sy tipiese woelige self op skrumskakel – boonop met sy jongboet Hanreco langs hom in die 10-trui.
Een van Riaan se vinnige tikskoppe het hy gebruik vir ’n solo-lopie reguit verby minstens twee verdedigers, voordat hy sy regtervleuel Stefan Louw vir die drie in die hoek deurgejaag het. Die doelskop was mis.
Een van Grootfontein se aanvalle uit hul kwartgebied het belowend begin, maar skipbreuk gely toe Hanreco van Zyl ’n binne-aangee onderskep het. United het dié bal na links deur die hande gestuur vir agtsteman Blom se tweede drie.
Die Filistyne se suksesvolle doelskopper was Denzo Bruwer – ’n belowende aanwins nadat ’n besering sy waardevolle tyd by die Blou Bulle se o.20-span kortgeknip het. Die oudlosskakel van Windhoek Gim het ook vir Namibië o.20 gespeel.
Vir oulaas het Grootfontein die agterstand van 5-19 laat krimp met ’n netjiese beweging om buitesenter Buruxa Geiseb (tevore van FNB Unam) genoeg spasie vir ’n drie te gee, wat deur losskakel Louis Grobbelaar verdoel is.
Grootfontein se Wikus Jacobs sê: “Ons het ’n moeilike perd opgesaal om premierliga te speel, maar al die ouens het reeds daarby ingekoop.
“Die wedstryd was beslis harder as wat ons (as kampioene in 2019) in die NRU eersteliga gewoond was. Die tempo was ook vinnig, maar ons hou daarvan en kon daarby aanpas.
“Die ervaring was goed om ons klomp nuwelinge – talle van hulle onlangse skoolverlaters – te laat proe hoe dit is om teen ’n goed georganiseerde span te speel.
“Ons is opgewonde oor die vooruitsig om Noorde-rugby weer ’n krag te maak om mee rekening te hou.”
Die NRU premierliga se nuwe seisoen is bestem om volgende maand af te skop.
– [email protected]
FOTO’s
Kazepurua Maurihungirire, haker van Grootfontein, storm op sy direkte opponent Gerhard Thirion af. Foto Andrew Poolman
Trustco United se flank Ryan Garoëb, tevore van FNB Western Suburbs, probeer verby sy eweknie van Grootfontein, Wikus Jacobs, kom. Foto Andrew Poolman
Hanreco van Zyl, losskakel van Trustco United, trap binnetoe vir een van sy dartellopies. Foto Andrew Poolman
Die Grootfonteiners was rustyd met 5-0 voor en ná ’n aksiebelaaide tweede helfte het United met 19-12 voor geëindig toe skeidsregter Stephan Kellerman sy eindfluitjie geblaas het.
Die opbou na die enigste punte van die eerste helfte was toe Grootfontein se flank en kaptein Wikus Jacobs op tipiese wyse deur die middelveld gebreek het. Die onverdoelde drie is afgerond deur Pieter-Daan Kok, ’n aanwins op slot vir die noordespan wat tot in sy matriekjaar vir Tsumeb Gimnasium prominent was.
Kort ná rustyd het United teruggeslaan toe hy Grootfontein gedwing het tot ’n skrumvoer op sy eie doellyn. Die bal het egter aan die blou kant uitgekom en agtsteman Dean Blom is reguit onder die pale deur. Riaan van Zyl het verdoel.
Van Zyl, terug van sy tyd van klubrugby in Rusland, was sy tipiese woelige self op skrumskakel – boonop met sy jongboet Hanreco langs hom in die 10-trui.
Een van Riaan se vinnige tikskoppe het hy gebruik vir ’n solo-lopie reguit verby minstens twee verdedigers, voordat hy sy regtervleuel Stefan Louw vir die drie in die hoek deurgejaag het. Die doelskop was mis.
Een van Grootfontein se aanvalle uit hul kwartgebied het belowend begin, maar skipbreuk gely toe Hanreco van Zyl ’n binne-aangee onderskep het. United het dié bal na links deur die hande gestuur vir agtsteman Blom se tweede drie.
Die Filistyne se suksesvolle doelskopper was Denzo Bruwer – ’n belowende aanwins nadat ’n besering sy waardevolle tyd by die Blou Bulle se o.20-span kortgeknip het. Die oudlosskakel van Windhoek Gim het ook vir Namibië o.20 gespeel.
Vir oulaas het Grootfontein die agterstand van 5-19 laat krimp met ’n netjiese beweging om buitesenter Buruxa Geiseb (tevore van FNB Unam) genoeg spasie vir ’n drie te gee, wat deur losskakel Louis Grobbelaar verdoel is.
Grootfontein se Wikus Jacobs sê: “Ons het ’n moeilike perd opgesaal om premierliga te speel, maar al die ouens het reeds daarby ingekoop.
“Die wedstryd was beslis harder as wat ons (as kampioene in 2019) in die NRU eersteliga gewoond was. Die tempo was ook vinnig, maar ons hou daarvan en kon daarby aanpas.
“Die ervaring was goed om ons klomp nuwelinge – talle van hulle onlangse skoolverlaters – te laat proe hoe dit is om teen ’n goed georganiseerde span te speel.
“Ons is opgewonde oor die vooruitsig om Noorde-rugby weer ’n krag te maak om mee rekening te hou.”
Die NRU premierliga se nuwe seisoen is bestem om volgende maand af te skop.
– [email protected]
FOTO’s
Kazepurua Maurihungirire, haker van Grootfontein, storm op sy direkte opponent Gerhard Thirion af. Foto Andrew Poolman
Trustco United se flank Ryan Garoëb, tevore van FNB Western Suburbs, probeer verby sy eweknie van Grootfontein, Wikus Jacobs, kom. Foto Andrew Poolman
Hanreco van Zyl, losskakel van Trustco United, trap binnetoe vir een van sy dartellopies. Foto Andrew Poolman
Kommentaar
Republikein
Geen kommentaar is op hierdie artikel gelaat nie