US$1 miljoen gesteel ná kitsbanke geld uitspoeg
'n Gekoördineerde groep kuberkrakers wat waarskynlik verbind word met 'n internasionale misdaadsindikaat, het meer as US$1 miljoen by Amerikaanse kitsbanke gesteel.
Die aanvallers het die kitsbanke geprogrammeer om geld uit te spoeg sonder dat enige bankkaarte gebruik was, sê 'n amptenaar van die Amerikaanse geheimediens.
Daar was meer as 'n halfdosyn van hierdie aanvalle die afgelope paar dae.
Die aanvalle veroorsaak dat kitsbanke groot hoeveelhede kontant spontaan uitspoeg en het regoor Amerika plaasgevind, van die Golfkus in die suide (wat deelstate soos Texas, Louisiana, Mississippi, Alabama, en Florida insluit) tot New England in die noordooste.
Dié diefstal is die eerste van sy soort in Amerika, het 'n spesiale agent in die ondersoek, Matthew O'Neill, aan Reuters gesê. Soortgelyke aanvalle is al in dele van Europa en Latyns-Amerika gesien.
“Dit was net 'n kwessie van tyd voor dit ons sou tref,” sê O'Neill.
Twee van die wêreld se grootste vervaardigers van kitsbanke, Diebold Nixdorf Inc. en NCR Corp., het verlede week 'n waarskuwing uitgereik dat kuberkrakers besig is om kitsbanke te teiken.
Diebold se memorandum het in detail die stappe uiteengesit wat kuberkrakers volg om tot die kitsbanke deur te dring.
Dit sluit in om by die fisieke masjien in te breek, die hardeskyf te vervang en 'n industriële endoskoop te gebruik om die interne knoppie te druk wat die masjien laat herlaai.
vertroulike memorandum
'n Vertroulike memorandum wat die Amerikaanse geheimediens Vrydag aan banke gestuur het, waarsku dat masjiene wat Windows XP gebruik meer kwesbaar is. Kitsbankoperateurs is aangeraai om die bedryfstelsels op te gradeer na Windows 7 om dit teen 'n aanval te beskerm.
Die aanvalle het spesifiek kitsbanke in apteke, kleinhandelaars en kitskosrestaurante geteiken.
Hoewel daar aanvanklik gedink is die aanvalle is beperk tot kitsbanke wat die ouer bedryfstelsel gebruik, het die geheime diens intussen gesien dat masjiene met Windows 7 ook geraak is, het O'Neill bevestig.
“Daar is nie 'n enkele magiese oplossing tot die probleem nie,” sê hy.
'n Plaaslike elektroniese misdaadtaakmag in Washington, D.C, het die eerste tekens van die kuberkrakers se doen en late verlede week opgemerk en dit ná 'n onsuksesvolle aanval daar aangemeld.
'n Paar dae later is 'n soortgelyke aanval gesien waar die aanvallers duidelik uit hul mislukte poging geleer het. 'n Gekoördineerde aanval regoor Amerika is toe geloods. O'Neill verwag dat die aanval vir nog 'n paar weke gaan voortduur.
Hierdie soort kubermisdaad, ook bekend as jackpotting, het oor die afgelope paar jaar regoor die wêreld skerp toegeneem.
Tog is dit nie duidelik hoeveel geld al so gesteel is nie omdat nog die slagoffers nog die polisie die presiese bedrae wil verklap. – Netwerk24/Reuters
Die aanvallers het die kitsbanke geprogrammeer om geld uit te spoeg sonder dat enige bankkaarte gebruik was, sê 'n amptenaar van die Amerikaanse geheimediens.
Daar was meer as 'n halfdosyn van hierdie aanvalle die afgelope paar dae.
Die aanvalle veroorsaak dat kitsbanke groot hoeveelhede kontant spontaan uitspoeg en het regoor Amerika plaasgevind, van die Golfkus in die suide (wat deelstate soos Texas, Louisiana, Mississippi, Alabama, en Florida insluit) tot New England in die noordooste.
Dié diefstal is die eerste van sy soort in Amerika, het 'n spesiale agent in die ondersoek, Matthew O'Neill, aan Reuters gesê. Soortgelyke aanvalle is al in dele van Europa en Latyns-Amerika gesien.
“Dit was net 'n kwessie van tyd voor dit ons sou tref,” sê O'Neill.
Twee van die wêreld se grootste vervaardigers van kitsbanke, Diebold Nixdorf Inc. en NCR Corp., het verlede week 'n waarskuwing uitgereik dat kuberkrakers besig is om kitsbanke te teiken.
Diebold se memorandum het in detail die stappe uiteengesit wat kuberkrakers volg om tot die kitsbanke deur te dring.
Dit sluit in om by die fisieke masjien in te breek, die hardeskyf te vervang en 'n industriële endoskoop te gebruik om die interne knoppie te druk wat die masjien laat herlaai.
vertroulike memorandum
'n Vertroulike memorandum wat die Amerikaanse geheimediens Vrydag aan banke gestuur het, waarsku dat masjiene wat Windows XP gebruik meer kwesbaar is. Kitsbankoperateurs is aangeraai om die bedryfstelsels op te gradeer na Windows 7 om dit teen 'n aanval te beskerm.
Die aanvalle het spesifiek kitsbanke in apteke, kleinhandelaars en kitskosrestaurante geteiken.
Hoewel daar aanvanklik gedink is die aanvalle is beperk tot kitsbanke wat die ouer bedryfstelsel gebruik, het die geheime diens intussen gesien dat masjiene met Windows 7 ook geraak is, het O'Neill bevestig.
“Daar is nie 'n enkele magiese oplossing tot die probleem nie,” sê hy.
'n Plaaslike elektroniese misdaadtaakmag in Washington, D.C, het die eerste tekens van die kuberkrakers se doen en late verlede week opgemerk en dit ná 'n onsuksesvolle aanval daar aangemeld.
'n Paar dae later is 'n soortgelyke aanval gesien waar die aanvallers duidelik uit hul mislukte poging geleer het. 'n Gekoördineerde aanval regoor Amerika is toe geloods. O'Neill verwag dat die aanval vir nog 'n paar weke gaan voortduur.
Hierdie soort kubermisdaad, ook bekend as jackpotting, het oor die afgelope paar jaar regoor die wêreld skerp toegeneem.
Tog is dit nie duidelik hoeveel geld al so gesteel is nie omdat nog die slagoffers nog die polisie die presiese bedrae wil verklap. – Netwerk24/Reuters
Kommentaar
Republikein
Geen kommentaar is op hierdie artikel gelaat nie