Vars voorkoms vir ‘interaktiewe kunservaring’
Die “interaktiewe kunservaring” DEFINITION: Art is terug met baie opwindende geleenthede en kunsfoendies kan solank hul kalenders merk!
Vandat DEFINITION: Art einde 2020 in die Maerua-inkoopsentrum gebore is, het dié instansie hard gewerk om ’n liefde vir elke plaaslike kunsvorm binne die Namibiese publiek te kweek.
Die instansie het op 27 Mei amptelik die deure van sy nuwe ruimte by The Village in die hoofstad oopgemaak.
DEFINITION: Art se hooffokus is om plaaslike kontemporêre kunstenaars te help om hul kunswerke te verkoop en hul werk op ’n vars, moderne manier aan te bied.
Benewens die uitstallings, bied die inisiatief vanjaar weer eens verskeie ander kunsverwante aktiwiteite aan, soos verf- en wynsessies met verskillende temas, waar akteurs en aktrises gedagtes prikkelende tonele van tragedie, romanse, wetenskapfiksie en drama vir die besoekers uitvoer terwyl hulle skilder.
DEFINITION: Art kombineer ook filosofie en poësie in ’n “intellektuele gespreksessie”, waar die publiek kan gesels en redeneer oor onderwerpe wat die verstand te bowe gaan, terwyl hulle na die kreatiewe intellek van poëtiese kunstenaars luister.
Fliekaande, waar die publiek kan kies watter films hulle in die Ster-Kinekor-teater in dié inkoopsentrum wil sien (die plek is onderhewig aan verandering), is ook op die agenda.
“Ons het baie ander kunsverwante aktiwiteite wat ons graag by ons skedule wil voeg,” het Emmanuel Enkara, die eienaar en stigter van die inisiatief, verlede jaar vertel.
Dit wil voorkom of hulle nou daad by woord wil voeg, want volgens Definition: Art se Facebook-blad is ’n nuwe geleentheid vir Aprilmaand op pad, wat beloof om ’n “wilde ervaring” te wees. Meer as dít wil hulle nie in hierdie stadium bekend maak nie.
Ondanks die uitdagings van die pandemie het Definition: Art verlede jaar verskeie aktiwiteite aangebied wat aftrek gekry het.
“In 2021 het ons pret gehad, maar in 2022 sal ons skedule meer eenvormig word – met gereelde datums ná Maart,” sê Enkara.
Almal wat in kuns belangstel word uitgenooi om The Village in Liliencronstraat 18 te besoek, of ’n draai te maak op DEFINITION: Art se sosialemediaplatforms om op hoogte te bly van al die opwindende geleenthede wat op pad is.
Sluit eerskomende Dinsdag aan by ’n filosofie- en poësie-aand waar die onderwerp “Wat is skoonheid?” onder die loep sal wees.
Toegang is N$20 by die deur.
Vandat DEFINITION: Art einde 2020 in die Maerua-inkoopsentrum gebore is, het dié instansie hard gewerk om ’n liefde vir elke plaaslike kunsvorm binne die Namibiese publiek te kweek.
Die instansie het op 27 Mei amptelik die deure van sy nuwe ruimte by The Village in die hoofstad oopgemaak.
DEFINITION: Art se hooffokus is om plaaslike kontemporêre kunstenaars te help om hul kunswerke te verkoop en hul werk op ’n vars, moderne manier aan te bied.
Benewens die uitstallings, bied die inisiatief vanjaar weer eens verskeie ander kunsverwante aktiwiteite aan, soos verf- en wynsessies met verskillende temas, waar akteurs en aktrises gedagtes prikkelende tonele van tragedie, romanse, wetenskapfiksie en drama vir die besoekers uitvoer terwyl hulle skilder.
DEFINITION: Art kombineer ook filosofie en poësie in ’n “intellektuele gespreksessie”, waar die publiek kan gesels en redeneer oor onderwerpe wat die verstand te bowe gaan, terwyl hulle na die kreatiewe intellek van poëtiese kunstenaars luister.
Fliekaande, waar die publiek kan kies watter films hulle in die Ster-Kinekor-teater in dié inkoopsentrum wil sien (die plek is onderhewig aan verandering), is ook op die agenda.
“Ons het baie ander kunsverwante aktiwiteite wat ons graag by ons skedule wil voeg,” het Emmanuel Enkara, die eienaar en stigter van die inisiatief, verlede jaar vertel.
Dit wil voorkom of hulle nou daad by woord wil voeg, want volgens Definition: Art se Facebook-blad is ’n nuwe geleentheid vir Aprilmaand op pad, wat beloof om ’n “wilde ervaring” te wees. Meer as dít wil hulle nie in hierdie stadium bekend maak nie.
Ondanks die uitdagings van die pandemie het Definition: Art verlede jaar verskeie aktiwiteite aangebied wat aftrek gekry het.
“In 2021 het ons pret gehad, maar in 2022 sal ons skedule meer eenvormig word – met gereelde datums ná Maart,” sê Enkara.
Almal wat in kuns belangstel word uitgenooi om The Village in Liliencronstraat 18 te besoek, of ’n draai te maak op DEFINITION: Art se sosialemediaplatforms om op hoogte te bly van al die opwindende geleenthede wat op pad is.
Sluit eerskomende Dinsdag aan by ’n filosofie- en poësie-aand waar die onderwerp “Wat is skoonheid?” onder die loep sal wees.
Toegang is N$20 by die deur.
Kommentaar
Republikein
Geen kommentaar is op hierdie artikel gelaat nie