Vegter vir kunste sterf
Prof. Minette Mans het ‘n reusebydrae gelewer om die inheemse bevolking van Namibië se musiek aan ’n breë gehoor bekend te stel.
Henriette Lamprecht – Sy het haar kleinkinders die reëndans in die tuin geleer, was lief vir reis en ander kulture, het ’n diepe integriteit en ’n duidelike siening van reg en verkeerd gehad en het altyd opgestaan vir wat sy gevoel het reg was – soms onder baie moeilike omstandighede.
Só som prof. Minette Mans se seun, Etienne Roux, sy ma op, wat vandeesmaand ná ’n lang stryd teen kanker in Vermont, Suid-Afrika, oorlede is en ’n onuitwisbare bydrae gelewer het om die inheemse bevolking van Namibië se musiek aan ’n breë gehoor bekend te stel.
“Sy was baie lief vir reis en om ander kulture te beleef. In die buiteland het dit haar gewoonlik net ‘n dag of twee geneem om die basiese frases van ‘n nuwe taal aan te leer en met die locals te kommunikeer. Dit het ons altyd verstom hoe vinnig sy haarself in ‘n nuwe kultuur verdiep,” vertel Etienne.
Sy ma het gehou van die mooi en lekker dinge in die lewe, maar terselftertyd was sy ook glad nie bang vir swaarkry of sukkel nie, vertel hy trots.
Op hul plaas het sy sommer vinnig ingespring en raakgevat waar sy moes – of dit nou kalwers help uittrek by moeilike geboortes was, of sukkel met ‘n kragopwekker wat laatnag gebloei moet word en met ‘n slinger aan die gang gekry moet word.
“Sy het dit alles in haar stride gevat en dit het haar nie gepla nie. Ek dink partykeer het sy dit selfs geniet!”
Volgens Etienne het ma Minette ‘n baie duidelike siening oor reg en verkeerd gehad en kon niemand dit verander nie.
Die groot rol wat sy in ander se lewens gespeel het – of dit nou as vriend, dosent of skrywer was, is duidelik te sien in die huldeblyke wat ná haar dood ingestroom het.
Haar broer Brian Stewart beskryf haar as “klein, maar ‘n reus in statuur”, terwyl ander haar as ‘n vegter vir die kunste in Namibië, dapper en ‘n legende beskryf.
Volgens Aldo Behrens was ‘n Mans “’n ster, ‘n gretige akademikus, uitstekende navorser, briljante formuleerder en lieflike mens”.
Mans en haar man, Jan, ‘n brahmaan-stoetboer in die Khomas Hochland, het hulle ná hul aftrede in 2014 in Vermont gevestig.
Mans het ná skool haar B Mus-graad (1970) en SOD (1971) aan die Universiteit Stellenbosch (US) behaal en op Walvisbaai begin skoolhou.
Sy het verder studeer – B Ed (US), M Ed (Unisa) en D Phil (Universiteit van Natal) – en het in 2000 ‘n professor aan die Universiteit van Namibië geword.
Die titel van haar doktorale verhandeling, Namibian music and dance as Ngoma in Arts Education, het denke oor opleiding in talle Suider-Afrikaanse lande beïnvloed.
Mans het ‘n groot bydrae gelewer om die musiek van die inheemse bevolking van Namibië wyer bekend te stel.
Sy het vyf boeke gepubliseer en talle publikasies die lig laat sien. Sy het ook verskeie toekennings ontvang om internasionaal navorsing te doen.
Sy is plaaslik en internasionaal vir haar werk bekroon en het op verskeie kunsterade gedien.
“Musiek en dans was haar passie en sy was ook ‘n hondeliefhebber. Behalwe vir haar glorieryke loopbaan, het my ma ‘n suksesvolle balans tussen ma, ouma, geliefde eggenoot en plaasvrou gehandhaaf.”
Mans word deur haar man, twee seuns en vier kleinkinders oorleef.
Só som prof. Minette Mans se seun, Etienne Roux, sy ma op, wat vandeesmaand ná ’n lang stryd teen kanker in Vermont, Suid-Afrika, oorlede is en ’n onuitwisbare bydrae gelewer het om die inheemse bevolking van Namibië se musiek aan ’n breë gehoor bekend te stel.
“Sy was baie lief vir reis en om ander kulture te beleef. In die buiteland het dit haar gewoonlik net ‘n dag of twee geneem om die basiese frases van ‘n nuwe taal aan te leer en met die locals te kommunikeer. Dit het ons altyd verstom hoe vinnig sy haarself in ‘n nuwe kultuur verdiep,” vertel Etienne.
Sy ma het gehou van die mooi en lekker dinge in die lewe, maar terselftertyd was sy ook glad nie bang vir swaarkry of sukkel nie, vertel hy trots.
Op hul plaas het sy sommer vinnig ingespring en raakgevat waar sy moes – of dit nou kalwers help uittrek by moeilike geboortes was, of sukkel met ‘n kragopwekker wat laatnag gebloei moet word en met ‘n slinger aan die gang gekry moet word.
“Sy het dit alles in haar stride gevat en dit het haar nie gepla nie. Ek dink partykeer het sy dit selfs geniet!”
Volgens Etienne het ma Minette ‘n baie duidelike siening oor reg en verkeerd gehad en kon niemand dit verander nie.
Die groot rol wat sy in ander se lewens gespeel het – of dit nou as vriend, dosent of skrywer was, is duidelik te sien in die huldeblyke wat ná haar dood ingestroom het.
Haar broer Brian Stewart beskryf haar as “klein, maar ‘n reus in statuur”, terwyl ander haar as ‘n vegter vir die kunste in Namibië, dapper en ‘n legende beskryf.
Volgens Aldo Behrens was ‘n Mans “’n ster, ‘n gretige akademikus, uitstekende navorser, briljante formuleerder en lieflike mens”.
Mans en haar man, Jan, ‘n brahmaan-stoetboer in die Khomas Hochland, het hulle ná hul aftrede in 2014 in Vermont gevestig.
Mans het ná skool haar B Mus-graad (1970) en SOD (1971) aan die Universiteit Stellenbosch (US) behaal en op Walvisbaai begin skoolhou.
Sy het verder studeer – B Ed (US), M Ed (Unisa) en D Phil (Universiteit van Natal) – en het in 2000 ‘n professor aan die Universiteit van Namibië geword.
Die titel van haar doktorale verhandeling, Namibian music and dance as Ngoma in Arts Education, het denke oor opleiding in talle Suider-Afrikaanse lande beïnvloed.
Mans het ‘n groot bydrae gelewer om die musiek van die inheemse bevolking van Namibië wyer bekend te stel.
Sy het vyf boeke gepubliseer en talle publikasies die lig laat sien. Sy het ook verskeie toekennings ontvang om internasionaal navorsing te doen.
Sy is plaaslik en internasionaal vir haar werk bekroon en het op verskeie kunsterade gedien.
“Musiek en dans was haar passie en sy was ook ‘n hondeliefhebber. Behalwe vir haar glorieryke loopbaan, het my ma ‘n suksesvolle balans tussen ma, ouma, geliefde eggenoot en plaasvrou gehandhaaf.”
Mans word deur haar man, twee seuns en vier kleinkinders oorleef.
Kommentaar
Republikein
Geen kommentaar is op hierdie artikel gelaat nie