Veilige bloed vir almal

Op 14 Junie val die fokus jaarliks wêreldwyd en in Namibië op bloedskenkers. Vanjaar se tema is bloedskenk en universele toegang tot veilige bloedskenk as 'n stap nader aan die bereiking van universele gesondheidsdekking. Die Namibiese Bloedoortappingsdiens se logo “Veilige bloed vir almal” skep bewusmaking van die universele behoefte aan veilige bloed in die verskaffing van gesondheidsorg en die noodsaaklike rol wat vrywillige skenkings speel om universele gesondheidsdekking 'n werklikheid te maak.