Verassings wéér op ys
In dié stadium is die enigste opsie 'n begrafnis, sê die Windhoek-munisipaliteit by monde van sy woordvoerder.
Denver Kisting
Geen verassings is tans in Namibië moontlik nie.
Dít kom nadat die enigste werkende verbrandingsoond by die Gammams-begraafplaas in die hoofstad Vrydag “ontplof” het.
Só sê mnr. Harold Akwenye, die woordvoerder van die Windhoek-munisipaliteit (CoW), by navraag.
Volgens hom vermoed hulle 'n oorledene se pasaangeër het tot dié ontploffing gelei.
Akwenye sê dit sal na verwagting ongeveer 'n week duur voor die oond herstel is.
Hy kon nie sê hoeveel dit sal kos om die skade te herstel nie.
“Ons wag op kosteramings van geloofwaardige kontrakteurs deur middel van ons verkrygingsafdeling.”
Akwenye het bevestig die enigste alternatief is tans 'n begrafnis.
'Nie noodsaaklik'
Dr. Kalumbi Shangula, die minister van gesondheid en maatskaplike dienste, het gistermiddag gesê 'n verassing word nie as 'n noodsaaklike diens geag nie. Boonop, sê hy, mag die oorskot van iemand wat weens Covid-19-verwante oorsake sterf, nie uit die plek van die heengaan geneem word nie.
Shangula het verlede maand aangekondig die liggame van mense wat weens Covid-19 sterf, mag veras word.
Maar, het hy toe gesê, dit is die keuse en verantwoordelikheid van die familie van die oorledene.
Nuwe oond steeds
in sak en as
Akwenye het gister voorts gesê dit is die ou verbrandingsoond wat in dié ronde in die slag gebly het.
'n Nuwe oond, wat ten duurste in Maart 2018 in gebruik geneem is, werk steeds nie omdat die onderdele nog nie uit Duitsland aangekom het nie, sê Akwenye.
Republikein het in Desember 2019 berig volgens CoW se skakelafdeling is “tegniese uitdagings” ondervind, wat sy interne en eksterne tegniese spanne se aandag geniet.
Indien alles volgens plan sou verloop, sou werksaamhede by die krematorium, wat in 2018 op 10 Maart in gebruik geneem is, vanjaar hervat het.
Die oponthoud word glo veroorsaak deur die feit dat die meeste van die onderdele noodsaaklik vir die herstel daarvan uit die buiteland verkry moet word.
CoW sê hy bly verbind tot die “belangrike, dog duur diens”.
Windhoekers is toe aangemoedig om intussen “goedgunstiglik” te reël vir verassings in Suid-Afrika – op eie onkoste.
Vanweë die geslote grense en omdat verassings nie beskou word as 'n noodsaaklike diens nie, is daardie moontlikheid tans van die baan.
Die munisipaliteit moes verlede jaar die ou krematorium, wat Vrydag gekalf het, opnuut vir plaaslike verassings gereed kry.
Die ou krematorium is in 1975 in gebruik geneem.
Die nuwe krematorium het 437 verassings tot Desember 2018 gedoen voordat tegniese probleme opgeduik het.
Akwenye het gister gesê alle begrafnisondernemers is oor die jongste voorval ingelig.
- [email protected]
Geen verassings is tans in Namibië moontlik nie.
Dít kom nadat die enigste werkende verbrandingsoond by die Gammams-begraafplaas in die hoofstad Vrydag “ontplof” het.
Só sê mnr. Harold Akwenye, die woordvoerder van die Windhoek-munisipaliteit (CoW), by navraag.
Volgens hom vermoed hulle 'n oorledene se pasaangeër het tot dié ontploffing gelei.
Akwenye sê dit sal na verwagting ongeveer 'n week duur voor die oond herstel is.
Hy kon nie sê hoeveel dit sal kos om die skade te herstel nie.
“Ons wag op kosteramings van geloofwaardige kontrakteurs deur middel van ons verkrygingsafdeling.”
Akwenye het bevestig die enigste alternatief is tans 'n begrafnis.
'Nie noodsaaklik'
Dr. Kalumbi Shangula, die minister van gesondheid en maatskaplike dienste, het gistermiddag gesê 'n verassing word nie as 'n noodsaaklike diens geag nie. Boonop, sê hy, mag die oorskot van iemand wat weens Covid-19-verwante oorsake sterf, nie uit die plek van die heengaan geneem word nie.
Shangula het verlede maand aangekondig die liggame van mense wat weens Covid-19 sterf, mag veras word.
Maar, het hy toe gesê, dit is die keuse en verantwoordelikheid van die familie van die oorledene.
Nuwe oond steeds
in sak en as
Akwenye het gister voorts gesê dit is die ou verbrandingsoond wat in dié ronde in die slag gebly het.
'n Nuwe oond, wat ten duurste in Maart 2018 in gebruik geneem is, werk steeds nie omdat die onderdele nog nie uit Duitsland aangekom het nie, sê Akwenye.
Republikein het in Desember 2019 berig volgens CoW se skakelafdeling is “tegniese uitdagings” ondervind, wat sy interne en eksterne tegniese spanne se aandag geniet.
Indien alles volgens plan sou verloop, sou werksaamhede by die krematorium, wat in 2018 op 10 Maart in gebruik geneem is, vanjaar hervat het.
Die oponthoud word glo veroorsaak deur die feit dat die meeste van die onderdele noodsaaklik vir die herstel daarvan uit die buiteland verkry moet word.
CoW sê hy bly verbind tot die “belangrike, dog duur diens”.
Windhoekers is toe aangemoedig om intussen “goedgunstiglik” te reël vir verassings in Suid-Afrika – op eie onkoste.
Vanweë die geslote grense en omdat verassings nie beskou word as 'n noodsaaklike diens nie, is daardie moontlikheid tans van die baan.
Die munisipaliteit moes verlede jaar die ou krematorium, wat Vrydag gekalf het, opnuut vir plaaslike verassings gereed kry.
Die ou krematorium is in 1975 in gebruik geneem.
Die nuwe krematorium het 437 verassings tot Desember 2018 gedoen voordat tegniese probleme opgeduik het.
Akwenye het gister gesê alle begrafnisondernemers is oor die jongste voorval ingelig.
- [email protected]
Kommentaar
Republikein
Geen kommentaar is op hierdie artikel gelaat nie