'Verbied Mr. Tekkie om sekere skoene te verkoop'
Nellie Brand-Jonker
In 'n nuwe wending in die tekkietwis het Pepkor Woensdag in die hooggeregshof 'n tussentydse bevel gevra wat net die verkoop van sekere skoene in die nuwe Mr. Tekkie se skoenwinkels verbied.
Dit is in teenstelling met die aanvanklike hofsaansoek om 'n tussentydse inderdik te kry om 'n handelsbeperking op te dwing wat die bestaan van Mr. Tekkie in geheel wou verbied.
Die aansoek om 'n bevel vir 'n tussentydse inderdik te kry wat deur Pepkor Speciality en Pepkor gebring is, word sedert Dinsdag deur regter Elizabeth Baartman aangehoor. Die respondente sluit in Braam van Huyssteen en Bernard Mostert, stigters van Mr. Tekkie, wat verlede week sy deure geopen het.
Van Huyssteen is ook die stigter van Tekkie Town, wat nou deur die Steinhoff-filiaal Pepkor besit word nadat hy en die mede-eienaars in 2016 hul aandele in dié maatskappy verkoop het.
Hy het 'n paar maande gelede as direkteur van Pepkor Speciality bedank, en is deur Bernard Mostert, ook 'n direkteur en uitvoerende hoof, en die ander respondente gevolg.
Dit is 'n belangrike saak vir albei partye. Sowel die applikant as respondent het drie advokate, waaronder altesame drie senior advokate, wat hulle verteenwoordig.
GEWYSIGDE BEVEL
Adv. Leon Kuschke SC, wat vir Pepkor optree, het Woensdag die gewysigde bevel voorgelê wat hulle wil hê Baartman moet toestaan.
Die gewysigde bevel wil nou net vir Van Huyssteen-hulle beperk om sekere skoene te verkoop.
“Die implikasie is dat Mr. Tekkie sal kan voortgaan om nog winkels te open, dit gaan net oor die skoene wat hy verkoop,” het Kuschke gesê.
Kuschke het aanvanklik Woensdagoggend gesê 'n lys van skoene sal verskaf word wat Tekkie Town tans verkoop wat Mr. Tekkie nie mag verkoop nie.
Die applikante, wat die lys binne 'n uur aan Baartman sou verskaf, kon dit op die ou end nie doen nie.
Hulle het toe met nog 'n gewysigde bevel by die hof opgedaag wat twee opsies voorstel vir 'n datum vanaf wanneer so 'n lys opgestel moet word – een van Oktober 2016 toe die kontrak geteken is om Tekkie Town te koop waarin die handelsbeperking ingesluit is en een van nou, wat ook bestellings vir die komende ses maande insluit.
Kuschke het ook beloof Pepkor sal nie sloer met 'n hofaansoek oor die handelsbeperking waaraan die maatskappy aanvoer Van Huyssteen, Mostert en drie ander voormalige personeel van Pepkor Speciality onderhewig is nie.
TUSSENTYDSE INTERDIK
Hy het beloof die hofaansoek word Maandag gebring.
Hy was effens ontstig oor die verwysing van die respondent se adv. Willie Duminy SC daarna dat sy kliënt Pepkor “doelbewus” gaan sloer met die hofaansoek indien hulle 'n tussentydse interdik kry.
Duminy het gesê Pepkor vra vir 'n dringende interdik wat sal geld totdat die hof 'n uitspraak oor die opdwingbaarheid van die handelsbeperking gelewer het. “Dit verwyder egter die motivering van die applikante om iets te doen.”
Duminy het aangevoer die aansoek is net gebring deur Pepkor om te bepaal hoe goed sy saak is.
Volgens Duminy sit hul terugkerende eedsverklaring volledig uiteen hoekom hulle 'n saak het dat die aansoek afgewys moet word.
Kuschke het aangevoer 'n tussentydse interdik moet op die belangrike vraag bepaal word of dit 'n ligsinnige en kwelsugtige aansoek is.
Hy het gevra die bevel moet toegestaan word.
Kuschke het ook gevra koste moet aan die respondente toegestaan word.
Duminy het egter oor die toestaan van koste aangevoer as die bevel toegestaan word, is die groot vraag of hulle in die tussentyd suksesvol was.
Baartman moet nou uitspraak lewer, maar dit is nie seker wanneer nie. – Netwerk24
In 'n nuwe wending in die tekkietwis het Pepkor Woensdag in die hooggeregshof 'n tussentydse bevel gevra wat net die verkoop van sekere skoene in die nuwe Mr. Tekkie se skoenwinkels verbied.
Dit is in teenstelling met die aanvanklike hofsaansoek om 'n tussentydse inderdik te kry om 'n handelsbeperking op te dwing wat die bestaan van Mr. Tekkie in geheel wou verbied.
Die aansoek om 'n bevel vir 'n tussentydse inderdik te kry wat deur Pepkor Speciality en Pepkor gebring is, word sedert Dinsdag deur regter Elizabeth Baartman aangehoor. Die respondente sluit in Braam van Huyssteen en Bernard Mostert, stigters van Mr. Tekkie, wat verlede week sy deure geopen het.
Van Huyssteen is ook die stigter van Tekkie Town, wat nou deur die Steinhoff-filiaal Pepkor besit word nadat hy en die mede-eienaars in 2016 hul aandele in dié maatskappy verkoop het.
Hy het 'n paar maande gelede as direkteur van Pepkor Speciality bedank, en is deur Bernard Mostert, ook 'n direkteur en uitvoerende hoof, en die ander respondente gevolg.
Dit is 'n belangrike saak vir albei partye. Sowel die applikant as respondent het drie advokate, waaronder altesame drie senior advokate, wat hulle verteenwoordig.
GEWYSIGDE BEVEL
Adv. Leon Kuschke SC, wat vir Pepkor optree, het Woensdag die gewysigde bevel voorgelê wat hulle wil hê Baartman moet toestaan.
Die gewysigde bevel wil nou net vir Van Huyssteen-hulle beperk om sekere skoene te verkoop.
“Die implikasie is dat Mr. Tekkie sal kan voortgaan om nog winkels te open, dit gaan net oor die skoene wat hy verkoop,” het Kuschke gesê.
Kuschke het aanvanklik Woensdagoggend gesê 'n lys van skoene sal verskaf word wat Tekkie Town tans verkoop wat Mr. Tekkie nie mag verkoop nie.
Die applikante, wat die lys binne 'n uur aan Baartman sou verskaf, kon dit op die ou end nie doen nie.
Hulle het toe met nog 'n gewysigde bevel by die hof opgedaag wat twee opsies voorstel vir 'n datum vanaf wanneer so 'n lys opgestel moet word – een van Oktober 2016 toe die kontrak geteken is om Tekkie Town te koop waarin die handelsbeperking ingesluit is en een van nou, wat ook bestellings vir die komende ses maande insluit.
Kuschke het ook beloof Pepkor sal nie sloer met 'n hofaansoek oor die handelsbeperking waaraan die maatskappy aanvoer Van Huyssteen, Mostert en drie ander voormalige personeel van Pepkor Speciality onderhewig is nie.
TUSSENTYDSE INTERDIK
Hy het beloof die hofaansoek word Maandag gebring.
Hy was effens ontstig oor die verwysing van die respondent se adv. Willie Duminy SC daarna dat sy kliënt Pepkor “doelbewus” gaan sloer met die hofaansoek indien hulle 'n tussentydse interdik kry.
Duminy het gesê Pepkor vra vir 'n dringende interdik wat sal geld totdat die hof 'n uitspraak oor die opdwingbaarheid van die handelsbeperking gelewer het. “Dit verwyder egter die motivering van die applikante om iets te doen.”
Duminy het aangevoer die aansoek is net gebring deur Pepkor om te bepaal hoe goed sy saak is.
Volgens Duminy sit hul terugkerende eedsverklaring volledig uiteen hoekom hulle 'n saak het dat die aansoek afgewys moet word.
Kuschke het aangevoer 'n tussentydse interdik moet op die belangrike vraag bepaal word of dit 'n ligsinnige en kwelsugtige aansoek is.
Hy het gevra die bevel moet toegestaan word.
Kuschke het ook gevra koste moet aan die respondente toegestaan word.
Duminy het egter oor die toestaan van koste aangevoer as die bevel toegestaan word, is die groot vraag of hulle in die tussentyd suksesvol was.
Baartman moet nou uitspraak lewer, maar dit is nie seker wanneer nie. – Netwerk24
Kommentaar
Republikein
Geen kommentaar is op hierdie artikel gelaat nie