Verbrandingstoestel vir naalde eerste in Namibië

Henriette Lamprecht - ’n Verbrandingstoestel wat onmiddellik wegdoen met gebruikte naalde, is nou in gebruik by ’n mediese sentrum in Windhoek. Die toestel is die eerste van sy soort in Namibië en is deur die Welwitschia Family Clinic (WFC) in die hoofstad in gebruik geneem. Volgens me. Maryna Hough van WFC is die toestel kostedoeltreffend en verseker dit die veiligheid van beide die praktyk en die pasiënte. Huidig is mediese geriewe in die hoofstad aangewese op ’n private maatskappy wat mediese afval weekliks na die ministerie van gesondheid en maatskaplike dienste (MoHSS) se verbrandingsoond by die Katutura-hospitaal neem waar dit verbrand word.“Met die verbrandingstoestel kan dit gebruikte naalde op jou eie perseel vernietig word en sodoende pas jy jou eie infeksiebeheer toe.”Die ministerie het verlede jaar drie nuwe verbrandingsoonde teen ’n koste van N$2,5 miljoen opgerig wat die hele Khomasstreek, ingesluit die private gesondheidsektor, moet bedien. Mediese afval wat hier verbrand word, sluit aansteeklike mediese, liggaamsvloeistowwe en -dele, bloed en spuitnaalde in. In 2013 is beraam meer as ’n duisend sakke mediese afval word daagliks by die verbrandingsoond uitgebrand. Volgens ’n bestuursplan vir die nuwe oond was die gemiddelde gewig van ’n sak 1,023 kg.

Verbrandingstoestel vir naalde eerste in Namibië

Kommentaar

Republikein 2025-04-21

Meld asseblief aan om kommentaar te lewer

Verbrandingstoestel vir naalde eerste in Namibië

Kommentaar

Republikein 2025-04-21

Meld asseblief aan om kommentaar te lewer

MELD AAN

Advertensie