Vergadering skop nuwe stadsraad se leierskap af
Vergadering skop nuwe stadsraad se leierskap af

Vergadering skop nuwe stadsraad se leierskap af

Augetto Graig
Die eerste vergadering gisteraand waar die nuwe stadraad van Windhoek besluite sou neem, het so lank geduur dat dit nou Maandag om 14:00 voortgesit word.

Ná amper vier ure is die vergadering se volle agendapunte nie bespreek nie, en die vergadering is verdaag net ná die goedkeuring vir die stad se hertoetrede tot die Vereniging van Plaaslike Owerhede (ALAN) en die registrasie van die burgemeester se trust.

Weens die Covid-19-aandklokreël moes die vergadering verdaag. Goedkeuring van verskeie skenkings aan die hoofstad is volgende op die agenda, insluitend skenkings vanaf verskeie Chinese stede – Shanghai, Chongqing, Suzhou en Nanjing.

Die burgemeester Job Amupanda wou deur konsensus die raad tot besluite laat kom en geen stemproses was gedurende gisteraand se vergadering nodig nie.

Foto Augetto Graig

Kommentaar

Republikein 2025-04-18

Geen kommentaar is op hierdie artikel gelaat nie

Meld asseblief aan om kommentaar te lewer