Verkiesings 2019: Ondersteuning vir veelpartydemokrasie

Christie Keulder – Demokrasie laat verskeie politieke partye toe om gereeld tydens verkiesings mee te ding.

Burgers het ‘n grondwetlike reg om partye te vorm en die party van hul keuse te ondersteun. Outoritêre regerings wil hierteenoor populêre verteenwoordiging beperk, byvoorbeeld deur opposisie te verbied.

Een argument teen veelpartydemokrasie is dat dit mense verdeel. Dit kan kritieke en selfs gewelddadige verskille veroorsaak.

Grafiek 1 toon ondersteuning vir veelpartydemokrasie het sedert 2003 van 62% tot 74% in 2017 toegeneem. Voorkeur vir ‘n eenpartystelsel het van 39% in 2008 tot 26% in 2017 afgeneem.

Dit is een moontlike aanduiding dat ondersteuning vir veelpartydemokrasie konstant toegeneem het. Teenkanting hierteen is beperk.

Volgens grafiek 2 het net 26% van Namibiërs in 2017 geglo dat mededinging tussen partye dikwels of altyd tot gewelddadige konflik lei – ‘n skerp afname van 50% in 2006.

Die konsolidering van demokrasie behels baie meer, maar die data ondersteun die idee dat groeiende ondervinding van demokrasie tot groter ondersteuning vir demokrasie lei. Dit sal baie moeilik vir enige party wees om Namibiërs te oortuig dat opposisie afgeskaf moet word ten gunste van ‘n eenpartystelsel.

Dit is goeie nuus vir die toekoms van demokrasie in Namibië.

* Data is ontleen aan die Afrobarometer, 'n Pan-Afrikaanse reeks opnames oor nasionale houdings oor demokrasie, bestuur en die gemeenskap. Vir meer besonderhede, besoek afrobarometer.org.