Verkiesingstrio terug hof toe
Die regter het beveel die beskuldigdes moet weer gedagvaar word om in die landdroshof te verskyn vir die voortsetting van die verhoor.
Jacqueline Louw – Uitspraak is Dinsdag in ’n saak gelewer waarin die staat die onskuldigbevinding betwis het van drie mans wat van bedrog met stemmery aangekla is.
Regter Alfred Siboleka het die kwytskelding ter syde gestel van drie mans in ’n bedrogsaak waarby kiesersregistrasie betrokke is.
Regter Christie Liebenberg het met sy beslissing saamgestem.
Die regter het beveel dat die beskuldigdes weer gedagvaar word om in die landdroshof te verskyn vir die voortsetting van die verhoor.
Hy het ook beveel dat die saak opnuut voor ’n nuwe landdros aangehoor word.
Mnr. Philemon Kanime, voormalige verkiesingshoof, mnr. Magnus Nangombe en mnr. Nico Mingelius, ’n werknemer van die Verkiesingskomitee van Namibië, is in Januarie 2014 vrygespreek op klagte wat spruit uit kiesersregistrasiebedrog wat terugdateer na 2008.
Die staat, wat ongelukkig was omdat die drie skotvry daarvan afgekom het, het ’n appèl by die hoërhof in Windhoek teen die uitspraak van die streekhof in Windhoek ingedien.
Landdros Sarel Jacobs het Kanime, Nangombe en Mingelius onskuldig bevind omdat gevind is die staat nie kon bewys dat enigeen van die drie aandadig was aan bedrog, vervalsing of die verspreiding van valse dokumente nie.
Die staat het die drie van bedrog beskuldig met die registrasie van Nangombe as kieser in 2008 in die eerste plaaslike owerheidsverkiesing vir Omuthiya in die Oshikotostreek.
Dit was die staat se saak dat me. Rigina Mbala, ’n senior tikster, en mnr. Nico Mingelius, die hoof- stelselbestuurder, die enigste twee beamptes by die Verkiesingskomitee van Namibië was wat kiesersrolle kon uitdruk.
Mbala het glo twee kiesersrolle uitgedruk waarop die name van 1 586 kiesers vir Omuthiya verskyn het. Hierdie rolle het nie die naam van Nangombe ingesluit nie. Sy het een afskrif aan ene Shigwedha gegee en ’n tweede afskrif aan Kanime. Altwee die rolle het ’n blou omslag gehad.
Toe Mbala later in Omuthiya vir die verkiesing was, het sy ’n derde kiesersrol gesien wat in ’n geel omslag was. Hierdie rol het 1 587 kiesers gelys, onder andere Nangombe. Mbala het toe weer die kiesers by Omuthiya se aansoekvorms nagegaan en gevind Nangombe het nie aansoek gedoen nie en dat sy insluiting by die kiesersrol onreëlmatig was.
In sy uitspraak sê regter Siboleka Nangombe se afwesigheid van die kiesersrol is deur me. Kristophona Ujombala bevestig.
Sy het getuig ’n verteenwoordiger van die United Democratic-party, vir wie Nangombe veronderstel was om in die Omuthiya-verkiesing te opponeer, het haar gevra om hom as hul kandidaat te vervang omdat hy in ’n hospitaal in Kaapstad gedurende registrasie was en dus nie kon registreer nie.
Regter Alfred Siboleka het die kwytskelding ter syde gestel van drie mans in ’n bedrogsaak waarby kiesersregistrasie betrokke is.
Regter Christie Liebenberg het met sy beslissing saamgestem.
Die regter het beveel dat die beskuldigdes weer gedagvaar word om in die landdroshof te verskyn vir die voortsetting van die verhoor.
Hy het ook beveel dat die saak opnuut voor ’n nuwe landdros aangehoor word.
Mnr. Philemon Kanime, voormalige verkiesingshoof, mnr. Magnus Nangombe en mnr. Nico Mingelius, ’n werknemer van die Verkiesingskomitee van Namibië, is in Januarie 2014 vrygespreek op klagte wat spruit uit kiesersregistrasiebedrog wat terugdateer na 2008.
Die staat, wat ongelukkig was omdat die drie skotvry daarvan afgekom het, het ’n appèl by die hoërhof in Windhoek teen die uitspraak van die streekhof in Windhoek ingedien.
Landdros Sarel Jacobs het Kanime, Nangombe en Mingelius onskuldig bevind omdat gevind is die staat nie kon bewys dat enigeen van die drie aandadig was aan bedrog, vervalsing of die verspreiding van valse dokumente nie.
Die staat het die drie van bedrog beskuldig met die registrasie van Nangombe as kieser in 2008 in die eerste plaaslike owerheidsverkiesing vir Omuthiya in die Oshikotostreek.
Dit was die staat se saak dat me. Rigina Mbala, ’n senior tikster, en mnr. Nico Mingelius, die hoof- stelselbestuurder, die enigste twee beamptes by die Verkiesingskomitee van Namibië was wat kiesersrolle kon uitdruk.
Mbala het glo twee kiesersrolle uitgedruk waarop die name van 1 586 kiesers vir Omuthiya verskyn het. Hierdie rolle het nie die naam van Nangombe ingesluit nie. Sy het een afskrif aan ene Shigwedha gegee en ’n tweede afskrif aan Kanime. Altwee die rolle het ’n blou omslag gehad.
Toe Mbala later in Omuthiya vir die verkiesing was, het sy ’n derde kiesersrol gesien wat in ’n geel omslag was. Hierdie rol het 1 587 kiesers gelys, onder andere Nangombe. Mbala het toe weer die kiesers by Omuthiya se aansoekvorms nagegaan en gevind Nangombe het nie aansoek gedoen nie en dat sy insluiting by die kiesersrol onreëlmatig was.
In sy uitspraak sê regter Siboleka Nangombe se afwesigheid van die kiesersrol is deur me. Kristophona Ujombala bevestig.
Sy het getuig ’n verteenwoordiger van die United Democratic-party, vir wie Nangombe veronderstel was om in die Omuthiya-verkiesing te opponeer, het haar gevra om hom as hul kandidaat te vervang omdat hy in ’n hospitaal in Kaapstad gedurende registrasie was en dus nie kon registreer nie.
Kommentaar
Republikein
Geen kommentaar is op hierdie artikel gelaat nie