Verkryging moet vlotter loop

Meer as twee jaar sedert Namibië ‘n nuwe bestel vir openbare verkryging aanvaar het, is daar steeds vrae oor die doeltreffendheid van die nuwe bedeling.Die regering het die week opnuut sy kommer oor aspekte van die sentrale verkrygingsraad (CPBN) se werk by ‘n opleidingsgeleentheid vir senior bestuurders in die staatsdiens uitgespreek.Plaaslike tenderaars wat die staat met hoë pryse probeer melk was in eerste minister Saara Kuugongelwa-Amadhila se visier. Sy het erken onnodige vertragings kom steeds in aankope voor, terwyl sekere staatsinstellings nog nie die wet nakom nie.Die minister van finansies, mnr. Calle Schlettwein, het sloerdery al in sy begrotingsrede as ‘n probleem uitgesonder. Ook hy het Maandag weer die tydige lewering van dienste en produkte benadruk.Tydskale word voorgestel, maar ondubbelsinnige duidelikheid is hieroor nodig.Prosesse loop darem gladder as in die moeilike wegspringjaar. Die raad se webwerf is verbeter en bevat nou meer besonderhede, asook statistiek – hoewel laasgenoemde data beslis vinniger en meer gereeld opgedateer kan word.‘n Teken van tekortkominge is dat net meer as ‘n derde (36,3%) tot die helfte (50%) van verskillende soorte aankope van April 2018 tot Januarie 2019 terugverwys, afgekeur of gekanselleer is. Die gemiddelde ratio is kort duskant 40%. Beslis te hoog.‘n Lekevriendelike aanbieding kan die webwerf verder verbeter. Om tydskale grafies aan te dui, kan ook onnodige vertragings help verminder.So sê ander17 Julie 2019Beeld en Die Burger sêDie ontplooiing van die weermag om bendegeweld op die Kaapse Vlakte in bedwang te probeer bring, is betreurenswaardig maar tog onafwendbaar.As 43 mense in een naweek vermoor word, is dit duidelik dat die polisie geen beheer oor die probleem het nie.Duidelike instruksies moet gegee word oor wat die onderskeie take en die mandate van die polisie en die weermag is om enersyds konflik tussen die twee magte te vermy, en om andersyds doeltreffende koördinering te verseker.Niemand moet onder die wanindruk verkeer dat die ontplooiing van die weermag ’n grondliggende oplossing vir die bendeprobleem is nie – dit kan hoogstens die ystergreep van die bendebase effens laat verslap. Wat dan moet volg, is ’n veelvlakkige benadering waarin wetstoepassing aangevul word deur die aanspreek van die komplekse maatskaplike faktore wat die bendestruktuur in stand hou.Hoekom word die weermag nie ook in Alexandra in Johannesburg ontplooi nie? Of in Helenvale en Gelvandale in Port Elizabeth nie?Die belangrike punt is dat die haglike stand van die polisiemag nasionaal reggeruk moet word sodat wetstoepassing doeltreffend kan geskied sonder dat die ontplooiing van die weermag hoegenaamd nodig is.Ná al die pyn van gewone mense wat al ’n daaglikse verskynsel is, is die pleidooi wat opklink vir dáde en minder bravade van regeringskant.• NETWERK24

Verkryging moet vlotter loop

Kommentaar

Republikein 2025-04-11

Meld asseblief aan om kommentaar te lewer

Verkryging moet vlotter loop

Kommentaar

Republikein 2025-04-11

Meld asseblief aan om kommentaar te lewer

MELD AAN

Advertensie