Vermeende dieremishandelaars in landdroshof op Outapi
Die DBV sê die mishandeling van diere is onwettig, ongeag of dit kulturele praktyk of tradisie is.
Elvira Hattingh
Die man wat daarvan beskuldig word dat hy 'n hond by die Ombadje-nedersetting gehang het nadat die hond glo hoenders gevang het, asook 'n medebeskuldigde wat 'n video daarvan gemaak het, sal weer op 17 Junie in die Outapi-landdroshof verskyn.
Mnr. Gabriel Ndipulalye, die man wat die hond na bewering gewurg het, en sy “kameraman” (naam) het Maandag hul eerste verskyning in die landdroshof gemaak. Hul saak is toe vir verdere ondersoek uitgestel en sodat die beskuldigdes regshulp kan kry.
HOND GEHANG
Hulle is vrygelaat op voorwaarde dat hulle die streek nie mag verlaat sonder om die aanklaer daarvan te verwittig nie.
Dit volg nadat 'n video wyd in sosiale media versprei is van 'n man in die Ombadje-nedersetting naby Okalongo, wat 'n hond met 'n tou om die nek wurg en die tou tussen twee regop planke deurtrek en die hond sodoende hang.
Op die video kan gesien word hoe hy die tou deurgaans stywer trek.
'n Tweede man maak 'n video daarvan en vind dit skynbaar vermaaklik.
Die twee mans is aangekeer nadat Oshana se Dierebeskermingsvereniging (DBV) 'n beloning van N$10 000 uitgeloof het vir inligting wat tot die inhegtenisname van die beweerde wetsoortreders lei.
Intussen het iemand met die nodige inligting na vore gekom.
Die DBV het ook hul dankbaarheid teenoor die Namibiese polisie uitgespreek, wat vinnig en flink opgetree het om die twee beskuldigdes te vang.
In 'n soortgelyke, maar onverwante geval het die Oshana DBV nog 'n beloning van N$10 000 beloof indien enige iemand inligting kan bied wat tot die suksesvolle inhegtenisname lei van 'n man op Outapi wat 'n hond met die steel van 'n byl doodslaan.
Video's en foto's van dié voorval is ook wyd in sosiale media versprei. Enigiemand wat met die saak of die identifikasie van die beweerde oortreder kan help, word versoek om 081 2268 689 te skakel.
Sekere Facebook-gebruikers het kapsie teen die vervolging van die vermeende dieremishandelaars gemaak en gesê dit is “tradisionele wet” om 'n hond dood te maak wat 'n mens, bok of hoender byt.
HOND DOODGESLAAN
Die persoon het gesê in die geval van die hond wat op Outapi doodgeslaan is, is 'n mens gebyt, wat steeds mediese behandeling ontvang.
Nog ander gebruikers het gevra tradisionele gebruike moet beskerm word, terwyl verskeie Facebook-gebruikers hul skok en afsku oor die voorvalle uitgespreek het.
Die DBV sê die mishandeling van 'n hond of enige ander dier is 'n strafregtelike oortreding, en 'n oortreding van die Wet op Dierebeskerming 71 van 1962.
Die DBV sê so 'n oortreding kan tot gevangenisstraf lei en enige kulturele of tradisionele praktyk wat dit toelaat, is teenstrydig met Namibiese wetgewing.
Die man wat daarvan beskuldig word dat hy 'n hond by die Ombadje-nedersetting gehang het nadat die hond glo hoenders gevang het, asook 'n medebeskuldigde wat 'n video daarvan gemaak het, sal weer op 17 Junie in die Outapi-landdroshof verskyn.
Mnr. Gabriel Ndipulalye, die man wat die hond na bewering gewurg het, en sy “kameraman” (naam) het Maandag hul eerste verskyning in die landdroshof gemaak. Hul saak is toe vir verdere ondersoek uitgestel en sodat die beskuldigdes regshulp kan kry.
HOND GEHANG
Hulle is vrygelaat op voorwaarde dat hulle die streek nie mag verlaat sonder om die aanklaer daarvan te verwittig nie.
Dit volg nadat 'n video wyd in sosiale media versprei is van 'n man in die Ombadje-nedersetting naby Okalongo, wat 'n hond met 'n tou om die nek wurg en die tou tussen twee regop planke deurtrek en die hond sodoende hang.
Op die video kan gesien word hoe hy die tou deurgaans stywer trek.
'n Tweede man maak 'n video daarvan en vind dit skynbaar vermaaklik.
Die twee mans is aangekeer nadat Oshana se Dierebeskermingsvereniging (DBV) 'n beloning van N$10 000 uitgeloof het vir inligting wat tot die inhegtenisname van die beweerde wetsoortreders lei.
Intussen het iemand met die nodige inligting na vore gekom.
Die DBV het ook hul dankbaarheid teenoor die Namibiese polisie uitgespreek, wat vinnig en flink opgetree het om die twee beskuldigdes te vang.
In 'n soortgelyke, maar onverwante geval het die Oshana DBV nog 'n beloning van N$10 000 beloof indien enige iemand inligting kan bied wat tot die suksesvolle inhegtenisname lei van 'n man op Outapi wat 'n hond met die steel van 'n byl doodslaan.
Video's en foto's van dié voorval is ook wyd in sosiale media versprei. Enigiemand wat met die saak of die identifikasie van die beweerde oortreder kan help, word versoek om 081 2268 689 te skakel.
Sekere Facebook-gebruikers het kapsie teen die vervolging van die vermeende dieremishandelaars gemaak en gesê dit is “tradisionele wet” om 'n hond dood te maak wat 'n mens, bok of hoender byt.
HOND DOODGESLAAN
Die persoon het gesê in die geval van die hond wat op Outapi doodgeslaan is, is 'n mens gebyt, wat steeds mediese behandeling ontvang.
Nog ander gebruikers het gevra tradisionele gebruike moet beskerm word, terwyl verskeie Facebook-gebruikers hul skok en afsku oor die voorvalle uitgespreek het.
Die DBV sê die mishandeling van 'n hond of enige ander dier is 'n strafregtelike oortreding, en 'n oortreding van die Wet op Dierebeskerming 71 van 1962.
Die DBV sê so 'n oortreding kan tot gevangenisstraf lei en enige kulturele of tradisionele praktyk wat dit toelaat, is teenstrydig met Namibiese wetgewing.
Kommentaar
Republikein
Geen kommentaar is op hierdie artikel gelaat nie